دامىعان ەلدەردىڭ الدىڭعى قاتارىندا تۇرعان وڭتۇستىك كورەيا ء«ۇش كوز» اتتى سمارتفون جاساپ شىعاردى, دەپ حابارلايدى Egemen.kz.
جاڭا جوبانىڭ يەسى 28 جاستاعى ديزاينەر مين-ۆۋك پەنگ. ء«ۇش كوز» روبوتتالعان قۇرىلعى سمارتفونعا تاۋەلدى ادامدارعا ارنالعان. ونى پايدالانۋ ءۇشىن كامەرا ماڭدايعا بەكىتىلەدى.
ەكراننان كوز المايتىن تۇتىنۋشىلاردى اينالاداعى زاتتاردان, نەمەسە ادامدارمەن, عيمارات, كولىك, باعاندارمەن سوقتىعىسىپ قالۋىنان ساقتايدى.
مەحانيكالىق كوز تۇتىنۋشى سمارتفونىنا قاراعان ساتتە اشىلىپ جابىلادى جانە الدىنان قانداي دا ءبىر كەدەرگى شىقسا قۇرىلعى دىبىستىق سيگنال بەرەدى.
بۇل تەحنيكانىڭ ەرەكشەلىگى – گيروسكوپيالىق سەنسورىندا. ول ادام مويىنىنىڭ ءيىلۋىن ولشەسە, ۋلترادىبىستىق سەنسور كوزبەن قورشاعان ورتانىڭ اراسىنداعى قاشىقتىقتى كورسەتەدى.
«بۇل قۇرىلعى ادامزات ءۇشىن تاپتىرماس دۇنيە, كوزىمىزدى سمارتفوننان المايتىن بولساق بولاشاقتا بىزگە قوسىمشا كوز كەرەك بولادى», دەيدى مين-ۆۋك پەنگ.
لوندون يمپەراتورلىق كوللەدجىن تامامداعان مين-ۆۋك وز گادجەتىن سەۋلدە سىناقتان وتكىزگەن.
جانسايا مۇراتبەك