تسەلينوگراد اۋدانى وتاۋتۇسكەن اۋىلىنىڭ 43 جاستاعى تۇرعىنى قىزىن قۇتقارماقشى بولعان كەزدە ءوزى سۋعا باتىپ كەتتى, دەپ حابارلايدى Egemen.kz.
جازاتايىم وقيعا ماۋسىمنىڭ 8-ىندە ساعات 13:00-دە تسەلينوگراد اۋدانى وتاۋتۇسكەن اۋىلىنىڭ ماڭىندا نۇرا وزەنىندە بالىق اۋلاۋ كەزىندە ورىن العان.
«وزەن جاعاسىندا جۇرگەندە قىزى اناسىنان رۇقسات سۇراپ, سۋعا شومىلماقشى بولادى. الايدا, سۋدىڭ اعىسى قىزدى الىپ كەتەدى. مۇنى كورگەن اناسى قىزىن قۇتقارۋعا ۇمتىلعان, بىراق قاتتى اعىن سالدارىنان 43 جاستاعى ايەلدىڭ ءوزى سۋعا باتىپ كەتتى», دەلىنگەن اقمولا وبلىسى تجد ءباسپاسوز قىزمەتى تاراتقان اقپاراتتا.
ال, جاعاداعى وسىمدىكتىڭ بۇتاعىنا جارماسقان ون جاسار قىز جانۇشىرىپ كومەك سۇراعان. ونى ەستىگەن وتاۋتۇسكەن اۋىلىنىڭ 65 جاستاعى تۇرعىنى پاۆەل فەدورەنكو قىزدى قۇتقارىپ قالدى.
«وقيعا ورنىندا نۇر-سۇلتان قالاسى تجد جەدەل-قۇتقارۋ جاساعىنىڭ قۇتقارۋشىلارى جۇمىس ىستەدى, ولار كەشكى ساعات 19:30 شاماسىندا ايەلدىڭ دەنەسىن تاپتى», دەپ تولىقتىردى ۆەدومستۆودان.