فيرمانىڭ قارجىسىن جىمقىرعان ەسەپشىگە قاتىستى تەرگەۋ جۇرگىزىلىپ جاتىر

وبلىستىق پد ءباسپاسوز قىزمەتىنىڭ مالىمەتىنشە, جشس ەسەپشىسى فيرمانىڭ قاراجاتىن وتباسىلىق قاجەتتىلىككە جۇمساعان. ونىڭ مىندەتىنە بۋحگالتەرلىك قۇجاتتاردى ورىنداۋ, تاۋارلارعا تاپسىرىس بەرۋ, تاۋارلارعا اقى تولەۋ, قىزمەتكەرلەرگە جالاقى ەسەپتەۋ كىرەدى.

«ول اي سايىن فيرمانىڭ 300-400 مىڭ تەڭگە كولەمىندەگى اقشالاي قاراجاتىن كۇيەۋىنە تيەسىلى كارتوچكالىق شوتقا اۋدارعان جانە كارتانى ءوزى پايدالانعان. ال باسشىلىققا جالعان شوت-فاكتۋرالار ۇسىنعان.

اتالعان فاكتى بويىنشا قر قك 189-بابى, 3-بولىگىنە سايكەس سوتقا دەيىنگى تەرگەۋ جۇرگىزىلۋدە», دەدى پوليتسيا دەپارتامەنتى باستىعىنىڭ تەرگەۋ جونىندەگى ورىنباسارى راشاد وتەۋوۆ.

تالداۋ قورتىندىسىنا سۇيەنسەك, كوپ جاعدايدا قىلمىستىق قۇقىق بۇزۋشىلىقتىڭ بۇل ءتۇرىن كاسسيرلەر, بۋحگالتەرلەر, قويما مەڭگەرۋشىلەرى, دۇكەن ساتۋشىلارى, ەكسپەديتورلار, ساراپشى باعالاۋشىلار جاسايدى. باسشىلىق ۇزاق ۋاقىت بويى اۋديت جۇرگىزبەيدى, ويتكەنى ولار جۇمىسشىلاردىڭ  ادالدىعىنا سەنىم ارتادى. دەگەنمەن, كەي جاعدايدا قولاستىنداعى جۇمىسشىلارى ءۇمىتتى اقتامايدى. 

«سەنىپ تاپسىرىلعان بوتەن م ۇلىكتى يەمدەنۋ نەمەسە ىسىراپ ەتكەنى ءۇشىن قازاقستان رەسپۋبليكاسى قىلمىستىق كودەكسىنىڭ 189-بابى بويىنشا قىلمىستىق جاۋاپكەرشىلىك كوزدەلگەن. پوليتسيا كاسىپ يەلەرىنە ءوز كاسىپورىندارىندا, فيرمالارىندا مەزگىل-مەزگىل تۇگەندەۋ مەن اۋديت جۇرگىزۋگە كەڭەس بەرەدى. سونداي-اق تاۋارلار مەن ماتەريالداردى ساقتاۋ ورىندارىنىندا بەينەكامەرالار ورناتقان دۇرىس», دەيدى  راشاد وتەۋوۆ.

ايتا كەتەرلىگى, جىل باسىنان بەرى پوليتسيادا بوتەن م ۇلىكتى تالان-تاراجعا سالۋدىڭ 29 فاكتىسى تىركەلگەن.