ەكولوگيا, گەولوگيا جانە تابيعي رەسۋرستار مينيسترلىگىمەن ۇيىمداستىرىلعان ءىس-شارادا ەلىمىزدىڭ بۇكىل وبلىسىنىڭ 150 مىڭنان استام تۇرعىندارى قاتىستى. ولاردىڭ اراسىندا كوپتەگەن ۇيىمداردىڭ, مەملەكەتتىك ورگانداردىڭ, قوعامنىڭ وكىلدەرى, سونداي-اق 25 مىڭنان جوعارى ەكوبەلسەندىلەر مەن ۆولونتەرلەر بار. بىرلەسكەن كۇش-جىگەرمەن رەسپۋبليكانىڭ 492 لوكاتسياسى بويىنشا 37 مىڭ توننادان استام قوقىس جينالدى. ەلوردادا اكتسيا وتكىزۋگە ارنالعان بىرنەشە الاڭ انىقتالدى. ەڭ نەگىزگىلەرىنىڭ ءبىرى الماتى اۋدانىنداعى نۇرا-ەسىل كانالىنىڭ بويىنداعى ۋچاسكە بولدى. نۇر-سۇلتان قالاسىنىڭ بەس مىڭعا جۋىق تۇرعىنى قوقىس تازالاۋعا شىعىپ, 540 توننا قوقىستى وڭدەۋگە جينادى. «بىرگە تازا قازاقستان» اكتسياسى العاش رەت 2019 جىلى باستاۋ الدى. اكتسيانىڭ بارلىق كەزەڭى ىشىندە وعان ەلىمىزدىڭ 650 مىڭنان استام تۇرعىنى قاتىستى. تەك ءۇش جىلدىڭ ىشىندە 400 مىڭ توننادان استام قالدىق جينالىپ, كادەگە جاراتۋعا بەرىلدى. سونىمەن قاتار ءىس-شارا اياسىندا ەكى ميلليون اعاش وتىرعىزىلدى. ەكولوگتاردىڭ كاسىبي مەرەكەسى جازدىڭ العاشقى كۇندەرىندە تەك قازاقستاندا عانا ەمەس, رەسەيدە دە تويلانۋىنى سيمۆوليكالىق مانگە يە. وسىعان بايلانىستى بيىل العاش رەت نۇر-سۇلتان مەن ورىنبور اراسىندا تەلەكوپىر وتكىزىلدى. بىرلەسكەن ديالوگتا وسىنداي ءىس-شارالاردىڭ جاھاندىلىعى مەن قاجەتتىلىگى تۋرالى پىكىر الماستى. كورشى مەملەكەت ءبىزدىڭ ورتاق سۋ قويمامىز بولىپ تابىلاتىن جايىق وزەنىنىڭ جاعاسىن تازالاۋ بويىنشا جوسپارلارىمەن ءبولىستى. ءوز كەزەگىندە, ەكولوگيالىق رەتتەۋ جانە باقىلاۋ كوميتەتى توراعاسىنىڭ ورىنباسارى ەرمەك ۋماروۆ رەسەي فەدەراتسياسىنداعى بارلىق قاتىسۋشىلار مەن ارىپتەستەرىنە پلانەتا ەكولوگياسىنىڭ جاي-كۇيىن بىرلەسىپ رەتتەۋدەگى تۇسىنىسپەنشىلىكتەرى پەن اشىقتىعى ءۇشىن العىسىن ءبىلدى. بۇنداي قارىم-قاتىناس بولاشاقتا جاقسى داستۇرگە اينالۋى مۇمكىن ەكەنىن اتاپ وتكەن ءجون. ويتكەنى, وسى سەكىلدى اكتسيالاردى وتكىزۋدىڭ باستى جانە جالپى ماقساتى – جاستاردى ەكولوگيالىق مادەنيەتكە جانە قورشاعان ورتاعا ۇقىپتى قاراۋداعى كوزقاراستارىن تاربيەلەۋ بولىپ تابىلادى.