رەسەي پرەزيدەنتى ۆلاديمير پۋتين قازاقستان پرەمەر-ءمينيسترى اسقار ءماميندى ماراپاتتادى, دەپ حابارلايدى Egemen.kz.
«عارىش كەڭىستىگىن زەرتتەۋ جانە پايدالانۋ سالاسىنداعى حالىقارالىق ىنتىماقتاستىقتى دامىتۋعا, حالىقتار اراسىنداعى دوستىقتى نىعايتۋعا قوسقان زور ۇلەسى ءۇشىن قازاقستان رەسپۋبليكاسىنىڭ پرەمەر-ءمينيسترى اسقار ۇزاقباي ۇلى مامين «دوستىق» وردەنىمەن ماراپاتتالسىن», دەلىنگەن جارلىقتا.
رەسەي پرەزيدەنتىنىڭ جارلىعى رەسمي ينتەرنەت-پورتالدا جاريالاندى.
اسقار مامين پرەمەر-مينيستر لاۋازىمىنا 2019 جىلعى اقپاندا تاعايىندالعان. بۇعان دەيىن 2016 جىلعى قىركۇيەكتەن باستاپ ول پرەمەر-ءمينيستردىڭ ءبىرىنشى ۆيتسە-پرەمەرى بولدى. 2008-2016 جىلدارى «قازاقستان تەمىر جولى» ۇلتتىق كومپانياسى اق-تى باسقارعان.