قازاقستان رەسپۋبليكاسى باس پروكۋراتۋراسى مەن ينتەرپول قىزمەتكەرلەرى قر سىرتقى ىستەر مينيسترلىگىنىڭ كومەگىمەن باحرەين كورولدىگىنەن زاريفا وسمانوۆانى ەكستراديتسيالادى, دەپ حابارلايدى Egemen.kz.
قر باس پروكۋراتۋراسى ءباسپاسوز قىزمەتىنىڭ مالىمەتىنشە, ايەل ادام قازاقستاننان باحرەينگە قىزداردى جىنىستىق قاتىناستارعا ءتۇسۋ ماقساتىندا پايدالانۋ ءۇشىن جىبەرۋدى جۇزەگە اسىرعان ترانسۇلتتىق ۇيىمداسقان توپتى باسقارعان دەگەن كۇدىككە ىلىنگەن.
«قىلمىس جاساعاننان كەيىن ز. وسمانوۆا قىلمىستىق قۋدالاۋ ورگاندارىنان جاسىرىنىپ جۇرگەن, سول سەبەپتى, وعان حالىقارالىق ىزدەۋ جاريالاندى.
قازىرگى ۋاقىتتا ول نۇر-سۇلتان قالاسىنىڭ تەرگەۋ يزولياتورىنا قاماۋعا الىندى», دەلىنگەن ۆەدومستۆو حابارلاماسىندا.