قورشاعان ورتانى قورعاۋ كۇنىنىڭ بيىلعى تاقىرىبى - «قايتا ويلانۋ. قايتا قۇرۋ. قالپىنا كەلتىرۋ». قر ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ Twitter-دەگى پاراقشاسىندا وسىلاي جازدى, دەپ حابارلايدى Egemen.kz.
«بۇگىن, 5 ماۋسىم - دۇنيەجۇزىلىك قورشاعان ورتانى قورعاۋ كۇنى. سونىمەن قاتار, قازاقستاننىڭ ەكولوگتارىنىڭ كاسىبي مەرەكەسى. بۇگىندە اسا وزەكتى, كۇردەلى سالادا ەڭبەك ەتىپ جاتقان ارىپتەستەردى, ارداگەرلەردى مەرەكەمەن قۇتتىقتاپ, ىستەرىنە تابىس, دەنساۋلىق تىلەيمىن», دەپ جازدى مينيستر.
ونىڭ ايتۋىنشا, وسى كۇنى ەكولوگيالىق پروبلەمالارعا الەم نازارىن اۋدارۋ ءۇشىن ءتۇرلى شارالار ۇيىمداستىرىلادى.
ء«بىز «بىرگە - تازا قازاقستان» تازالىق اكتسياسىن داستۇرگە اينالدىردىق.
قورشاعان ورتانى قورعاۋ كۇنىنىڭ بيىلعى تاقىرىبى - «قايتا ويلانۋ. قايتا قۇرۋ. قالپىنا كەلتىرۋ». بارشا وتانداستاردى «قايتا ويلانىپ», تابيعات بايلىقتارىن ۇنەمدى پايدالانۋعا,جانۋارلار مەن وسىمدىكتەرگە جاناشىرلىق تانىتۋعا, اينالانى تازا ۇستاپ, ەكولوگيالىق ءومىر سالتىن ۇستانۋعا شاقىرامىن», دەدى ماعزۇم مىرزاعاليەۆ.
دۇنيەجۇزىلىك قورشاعان ورتانى قورعاۋ كۇنى بۇۇ باس اسسامبلەياسىنىڭ شەشىمىمەن 1972 جىلى بەكىتىلگەن. بۇۇ-نىڭ قورشاعان ورتانى قورعاۋ جونىندەگى باعدارلاماسىن باسشىلىققا الا وتىرىپ وتكىزىلەدى.