جاڭا تسيفرلىق پلاتفورماعا ارنايى قوسىمشا ارقىلى كىرۋگە بولادى. مۇندا ادامنىڭ جەكە باسىن كۋالاندىراتىن اقپارات پەن قۇجاتتار ساقتالادى, دەپ حابارلايدى Egemen.kz.
مىسالى, ءبىلىمىن راستايتىن ديپلومدار مەن جۇرگىزۋشى كۋالىگىن دە وسى قوسىمشا ارقىلى الۋعا بولادى. ID-ءاميان ارقىلى ەۋروپالىق تۇرعىن وزگە ەلدە كولىكتى جالعا الىپ, بانكتە ارنايى شوت اشىپ, سالىق دەكلاراتسياسىن تاپسىرىپ, ءتىپتى وقۋعا دا تۇسە الادى.
ەلەكتروندى پاسپورتتا ادامنىڭ ساۋساق ىزدەرى ساقتالادى. جەكە باس اقپاراتتىڭ ءتىزىمىن كەز كەلگەن تۇرعىن ءوزى شەشپەك. ماماندار بارلىق مالىمەتتىڭ قاۋىپسىز ساقتالاتىنىنا ۋادە بەرىپ وتىر.
جوسپار بويىنشا ەنگىزىلەتىن بۇل جۇيە ارقىلى الداعى بەس جىلدا 27 مىڭ جاڭا جۇمىس ورىنى اشىلماق. قازىر ەۋروكوميسسيا تسيفرلىق ءامياندى 2022 جىلى ىسكە قوسۋ ءۇشىن ءتيىستى قۇجاتتاردى دايىنداپ جاتىر.