تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين شاعىن اۋىلداردى ينتەرنەتپەن قامتاماسىز ەتۋ قالاي ىسكە اساتىنىن ايتتى, دەپ حابارلايدى Egemen.kz.
حالىق الدىنداعى ەسەپتىك كەزدەسۋىن قورىتىندىلاعان باعدات مۋسين ورتالىق كوممۋنيكاتسيالار قىزمەتىندە وتكەن بريفينگتە 2023 جىلعا دەيىن عالامتورسىز وتىرعان 1200 اۋىلدىڭ تەڭ جارتىسى زاماناۋي يگىلىككە قول جەتكىزەتىنىن ايتتى.
«6459 اۋىلدىڭ 5300-ءى ينتەرنەتكە قوسىلعان. بىراق سونىڭ 510-ىندا ينتەرنەت ساپاسى وتە تومەن. بۇل اۋىلداردىڭ ارقايسىسىن انىقتادىق. ەندى تەلەكوم-وپەراتورلارمەن جۇمىس ىستەپ جاتىرمىز. بىزدە جوسپار, ولاردا وسىعان ارنالعان اقشا بار. بىلتىر زاڭناماعا تۇزەتۋ ەنگىزىپ, راديوجيىلىكتى پايدالانعانى ءۇشىن تولەنەتىن ينۆەستيتسيانىڭ 90 پايىزىن اۋىلدىق جەرلەردە ينتەرنەت جەلىسىن دامىتۋعا باعىتتاۋ جولعا قويىلعان بولاتىن», دەيدى باعدات مۋسين.
سونداي-اق ۆەدومستۆو باسشىسى ءالى دە بولسا, 1200-گە جۋىق اۋىلدا ەشقانداي ينتەرنەت جوق ەكەنىن ەسكە سالدى. ونى شەشۋ ءۇشىن Starlink, One Web, SES سياقتى شەتەلدىك كومپانيالارمەن مەماندۋم اياسىندا قاناتقاقتى جوبالار ىسكە اسىرىلماق.
«ول اۋىلداردىڭ ماسەلەسىن ەكى جولمەن شەشەمىز. ءبىرىنشى جولى – راديوجيىلىكتەر ارقىلى بولادى. ەكىنشى جولى – تومەن وربيتالى جەرسەرىك توپتارى ارقىلى ينتەرنەت جەتكىزۋ. 2022 جىلدىڭ اياعىنا دەيىن ينتەرنەتى ناشار 510 ەلدى مەكەندەگى جاعدايدى تۇزەيمىز. ال ينتەرنەت مۇلدە جوق 1200 ەلدى مەكەننىڭ تەڭ جارتىسىنا تومەن وربيتالى جەرسەرىك توپتارى ارقىلى بايلانىس جەتكىزىلەدى», دەدى ول.