1 قاڭتار مەن 31 مامىرى ارالىعىندا كارانتين تالاپتارىنىڭ ساقتالۋىن باقىلايتىن مونيتورينگ توپتارى 94 788 رەيد جۇرگىزىپ, 585 393 نىساندى تەكسەردى. 16 مىڭنان استام كاسىپكەرلىك نىسانى شەكتەۋ تالاپتارىن بۇزعان. بۇل تۋرالى Egemen.kz سانيتاريالىق - ەپيدەميولوگيالىق باقىلاۋ كوميتەتىنە سىلتەمە جاساپ حابارلايدى.
كارانتين رەجيمىن بۇزعان كاسىپكەرلىك نىساندارىنىڭ باسىم بولىگى شىعىس قازاقستان, تۇركىستان جانە الماتى وبلىستارىندا, سونداي-اق, الماتى جانە شىمكەنت قالالارىندا ورنالاسقان.
مونيتورينگ بارىسىندا كارانتين كەزىندە قىزمەتىنە تىيىم سالىنعان نىسانداردىڭ جۇمىس ىستەيتىندىگى, جۇمىس كەستەسىنە قويىلاتىن شەكتەۋلەردىڭ ساقتالمايتىندىعى, بۇقارالىق شارالاردىڭ ۇيىمداستىرىلاتىندىعى انىقتالدى.
تەكسەرۋ جۇمىستارىنىڭ ناتيجەسى بويىنشا 300 ءىس سوتقا جىبەرلىپ, 76 نىساننىڭ قىزمەتى ۋاقىتشا توقتاتىلدى.
كارانتين تالاپتارىن بۇزعانى ءۇشىن 9,1 مىڭ شاعىن جانە ورتا بيزنەس يەسى, 6,8 مىڭ جەكە تۇلعا اكىمشىلىك جاۋاپكەرشىلىككە تارتىلدى. سالىنعان ايىپپۇلدىڭ جالپى سوماسى 1,2 ملرد تەڭگەدەن اسادى.