شوتلانديالىق عالىمدار قاتەرلى ىسىك پەن باكتەريا جاسۋشالارىن جاقىن ماڭداعى ساۋ تىندەرگە زيان كەلتىرمەي جويۋعا قابىلەتتى «ترويان جىلقىسى» ءدارىسىن سىناقتان وتكىزدى, دەپ جازادى Egemen.kz London Evening Standard پورتالىنا سىلتەمە جاساپ.
ەدينبۋرگ ۋنيۆەرسيتەتىنىڭ زەرتتەۋشىلەرى «قاتەرلى ىسىكتەردى ولتىرەتىن SeNBD مولەكۋلاسىن» قاتەرلى جاسۋشالاردىڭ كوزىن جوياتىن حيميالىق تاعامدىق قوسپامەن ارالاستىرىپ, ادامداردىڭ جاسۋشالارىنا ءتيىستى ەكسپەريمەنت جۇرگىزدى. زەرتتەۋ بارىسىندا ساراپشىلار راك كلەتكالارى «اشكوز» ەكەنىن, سوندىقتان ساۋ جاسۋشالارعا قاراعاندا كوپ ەنەرگيانى قاجەت ەتەتىندىگىنە تاعى ءبىر كوز جەتكىزدى.
ساراپشىلار ازىرلەنگەن پرەپاراتتى «تروياندىق جىلقىمەن» سالىستىرادى, ويتكەنى ولار راكتى ولتىرەتىن SeNBD مولەكۋلاسىن تاعامدىق قوسپاعا ارالاستىرىپ دايىندايدى.
ەدينبۋرگ ۋنيۆەرسيتەتى بۇل زەرتتەۋ «جاڭا ەمدەۋ ادىستەرىن جاساۋداعى ماڭىزدى قادام» دەپ اتاپ ءوتتى. سونىمەن قاتار عالىمدار قاتەرلى ىسىك اۋرۋىن ەرتە ساتىسىندا ەمدەۋدىڭ قاۋىپسىزدىگى مەن تيىمدىلىگىن راستاۋ ءۇشىن قوسىمشا تاجىريبەلەر ۇيىمداستىرۋ قاجەت دەپ سەندىرەدى. عالىمدار بۇعان دەيىن كوك شايدىڭ قۇرامىندا قاتەرلى ىسىك اۋرۋىنان قورعانىش تاپقان. بۇل سۋسىننىڭ قۇرامىنداعى انتيوكسيدانت ەپيگاللوكاتەچين گاللات (EGCG) قاتەرلى ىسىككە قارسى قۋاتتى ر53 اقۋىزىنىڭ دەڭگەيىن جوعارىلاتادى, ول «گەنوم قامقورشىسى» دەپ اتالادى.
«بۇل زەرتتەۋ, ادەتتە, وتە قاۋىپسىز جارىق ساۋلەمەن ارالاستىرىپ وتىرىپ جۇرگىزەدى, جاڭا تەراپيا ادىستەرىن دامىتۋداعى ماڭىزدى قادام بولىپ تابىلادى», دەدى ەدينبۋرگ ۋنيۆەرسيتەتىنىڭ ترانسلياتسيالىق حيميا جانە بيومەديتسينالىق بەينەلەۋ كافەدراسىنىڭ مەڭگەرۋشىسى, پروفەسسور مارك ۆەندرەلل.
بۇعان دەيىن, 30 مامىردا, رەسەيلىك ونكولوگ جانە حيرۋرگ يۆان كاراسەۆ راك جاسۋشالارى ساۋ ادامداردا دا كەزدەسەتىنىن, ادامنىڭ يممۋنيتەتى السىرەپ كەتكەن كەزدە ولاردىڭ كۇش الىپ كەتەتىنىن ايتقان بولاتىن. ساراپشىنىڭ ايتۋىنشا, ادام اعزاسىندا راك كلەتكالارى كۇش الىپ كەتپەۋ ءۇشىن قالىپتى كەم دەگەندە سەگىز ساعاتتىق ۇيقى, كۇنىنە كەمىندە 10 مىڭ قادام جاۋ ءجۇرۋ جانە كۇنىنە از مولشەردە بىرنەشە رەت تاماقتانۋ قاجەتتىگىن ايتقان بولاتىن.
2020 جىلدىڭ سوڭىندا بريتاندىق ونكولوگيالىق زەرتتەۋلەر ينستيتۋتىنىڭ عالىمدارى ىسىكتىڭ التى تۇرىنە قارسى ءتيىمدى دەپ تانىلعان رەۆوليۋتسيالىق پرەپاراتتى كلينيكالىق سىناقتان وتكەرگەن بولاتىن.
يننوۆاتسيالىق تەراپيا «تروياندىق ات» قاعيداتى بويىنشا جۇمىس ىستەيدى: ازىرلەۋشىلەر ۋلى مولەكۋلالاردى زيانسىز انتيدەنەمەن بۇركەمەلەپ, ءدارى-دارمەكتى «جاسىردى». وسىلايشا, ول ىسىككە تىكەلەي ءتۇسىپ, وعان ىشتەن سوققى جاسايدى. بۇل سىناق قاتەرلى ىسىك اۋرۋىنىڭ سوڭعى ستادياسىنداعى, ەشبىر ەم قونباعان ناۋقاستارعا قولداندى. پرەپارات جاتىر موينى مەن قۋىقتىڭ قاتەرلى ىسىگىنە قارسى كۇرەستە ەڭ جاقسى ناتيجە كورسەتىپتى. ەم قونباعان ناۋقاستاردىڭ تورتتەن ءبىر بولىگىندە ايتارلىقتاي جاقسارۋلار بايقالدى. ىسىك مولشەرى بويىنشا كىشىرەيىپ نەمەسە تولىعىمەن ءوسۋىن توقتاتتقان.