ەل ەكونوميكاسىنا قوسقان ۇلەسى جوعارى

كەزدەسۋ بارىسىندا قازاق­ستان مەن Exxon Mobil كورپوراتسياسى اراسىنداعى ىقپال­داس­تىقتىڭ پەرسپەكتيۆالارى, كومىرسۋتەگى سالاسىنداعى بىر­قاتار جوبا­نىڭ جۇزەگە اسىرىلۋى, «جاسىل» تەحنولوگيالاردى ەنگىزۋ, سون­داي-اق الەمدىك ەنەرگەتيكا نارى­عىنداعى قازىرگى احۋال تالقىلاندى.

مەملەكەت باسشىسىنا قاشا­عاندى يگەرۋ قارقىنى مەن تەڭىز كەن ورنىن كەڭەيتۋ باعىتىنداعى جۇمىستار باياندالدى.

پرەزيدەنت كورپوراتسيانىڭ ەلىمىزبەن سەرىكتeستىك ورناتقان 28 جىل ىشىندە قازاقستان ەكونوميكاسىن دامىتۋعا قوسقان ۇلەسىن جوعارى باعالادى.

نيل چاپمان Exxon Mobil ءۇشىن قازاقستانمەن اراداعى ىنتى­ماق­تاستىقتىڭ ماڭىزدى ەكەنىن اتاپ ءوتىپ, ءوزارا ىقپالداستىقتى ودان ءارى نىعايتۋعا نيەتتى ەكە­نىن جەتكىزدى. سونداي-اق امە­ري­كالىق كاسىپكەر مۇنايدىڭ الەم­دىك نارىعىن ودان ءارى دامىتۋ جو­نىندەگى وي-پىكىرىن ورتاعا سالىپ, اتالعان سالاداعى وزەكتى ماسەلەلەر تۋرالى ايتتى, دەپ حابارلادى پرەزيدەنتتىڭ ءباسپاسوز قىزمەتى.