«سامۇرىق-قازىنا» ۇلتتىق ءال-اۋقات قورىن باسقارۋ جونىندەگى كەڭەستىڭ توراعاسى «قازاقستان تەمىر جولى» ۇلتتىق كومپانياسى» اكتسيونەرلىك قوعامى باسقارماسىنىڭ توراعاسى نۇرلان ساۋرانباەۆتى قابىلدادى, دەپ حابارلايدى Egemen.kz.
كەزدەسۋدە قازاقستاننىڭ تۇڭعىش پرەزيدەنتى تاۋەلسىزدىك جىلدارىنداعى ەلىمىزدەگى ينفراقۇرىلىمدىق دامۋ ناتيجەلەرىنە توقتالىپ, تەمىر جول جەلىلەرىن كەڭەيتۋ سالاسىنداعى جەتىستىكتەردى اتاپ ءوتتى.
– ءبىز ينفراقۇرىلىمدىق جوبالاردى ىسكە اسىرۋ ءۇشىن كوپ جۇمىس اتقاردىق. وسى ۋاقىت ىشىندە ەكى جارىم مىڭ شاقىرىم تەمىر جول سالىندى. ءسويتىپ, ەلىمىزدىڭ تەمىر جول جەلىلەرىن دامىتتىق, – دەدى ەلباسى.
نۇرسۇلتان نازارباەۆقا ەلدىڭ كولىك-لوگيستيكالىق الەۋەتىن ىسكە اسىرۋ, ەكسپورتتىق جانە ترانزيتتىك تاسىمالدى ۇلعايتۋ, كورسەتىلەتىن قىزمەت ساپاسىن ارتتىرۋ باعىتىندا كومپانيانىڭ اتقارىپ جاتقان شارالارى تۋرالى باياندالدى.