قىلمىستىق ىستەر بويىنشا مامانداندىرىلعان اۋدانارالىق اسكەري سوت كىسى ءولتىردى دەپ ايىپتالعان اسكەري قىزمەتشىگە قاتىستى ۇكىم شىعاردى, دەپ حابارلايدى Egemen.kz.
كاپيتان كىسى ولتىرگەنى ءۇشىن, سونداي-اق اتىس قارۋىن ساقتاعانى جانە الىپ جۇرگەنى ءۇشىن كىنالى دەپ تانىلدى.
«سوت 2019 جىلدىڭ جەلتوقسان ايىندا تالدىقورعان قالاسىندا بولعان ي. ەسىمدى كاپيتان ءوزىنىڭ باستىعى د. ەسىمدى مايورعا 16 كاليبرلى قارۋدان جاقىن قاشىقتىقتا باسىنان وق اتقانىن انىقتادى. سوتتالۋشى قىلمىستىڭ ءىزىن جاسىرۋ ماقساتىندا قارۋدى وزەنگە لاقتىرعان. سوت ۇكىمىمەن ي. كاپيتانعا 12 جىلعا باس بوستاندىعىنان ايىرۋ جازاسى تاعايىندالدى», دەلىنگەن سوت حابارلاماسىندا.
سوت ۇكىمى زاڭدى كۇشىنە ەنگەن جوق.
ەسكە سالساق, 2020 جىلدىڭ 26 جەلتوقسانىندا وفيتسەردىڭ تالدىقورعان شاعىن اۋداندارىنىڭ بىرىندە ءوز ءۇيىنىڭ اۋلاسىندا بەت-جۇزىنە وق اتىلعانى بەلگىلى بولدى. 36 جاستاعى اسكەري قىزمەتشىنىڭ دەنەسىن ءۇيدىڭ اۋلاسىنان ءوتىپ بارا جاتقان ادامدار تاۋىپ, پوليتسيا مەن جەدەل جاردەم شاقىردى. جەرگىلىكتى اسكەري ءبولىمنىڭ مايور قىزمەتكەرىن امان الىپ قالۋ مۇمكىن بولمادى. ول دارىگەرلەر كەلگەنگە دەيىن قايتىس بولدى.