شىمكەنتتە قاتتى داۋىل سالدارىنان بىرنەشە عيماراتتىڭ شاتىرلارى ۇشىپ, كولىكتەردىڭ ۇستىنە قۇلاعان. وسىلايشا 6 اۆتوكولىككە زاقىم كەلىپ, 5 جاسار بالا جاپا شەكتى, دەپ حابارلايدى Egemen.kz قالانىڭ توتەنشە جاعدايلار دەپارتامەنتىنە سىلتەمە جاساپ.
قاراتاۋ اۋدانىنداعى بىرقاتار تۇرعىن الابى جارىقسىز قالىپ ەدى. ماماندار ءتۇن ۋاقىتىندا ەلەكتر قۋاتىن قالپىنا كەلتىردى.
وسى وقيعاعا قاتىستى توتەنشە جاعدايلار دەپارتامەنتىندە جەدەل شتاب قۇرىلىپ, تاۋلىك بويى كەزەكشىلىك ۇيىمداستىرىلدى. ال جەكە قۇرام كۇشەيتىلگەن جۇمىس رەجيمىنە اۋىستىرىلدى.
ايتا كەتۋ كەرەك, كەشە كەشكە بۇل مەگاپوليستە جەلدىڭ جىلدامدىعى سەكۋندىنا 26 مەترگە دەيىن جەتتى.