قارۋلى كۇشتەردە 1-3 ماۋسىمدا بارلىق ساناتتاعى اسكەري قىزمەتشىلەرمەن تاكتيكالىق-ساپتىق ساباقتار وتەدى, دەپ حابارلايدى Egemen.kz قورعانىس مينيسترلىگىنە سىلتەمە جاساپ.
بولىمشەلەر مەن بولىمدەر جوعارى جاۋىنگەرلىك دايارلىققا كەلتىرىلەدى. بۇل شارالاردىڭ ماقساتى – اسكەرلەردى باسقارۋ جۇيەسىن جەتىلدىرۋ.
قارۋلى كۇشتەردىڭ جازعى وقۋ كەزەڭىنە دايارلىق ءۇردىسى مەملەكەتتىڭ اسكەري قاۋىپسىزدىگىن قامتاماسىز ەتۋ ماسەلەلەرىن, سونداي-اق الدىڭعى وقۋ كەزەڭىندە جەتكەن جاۋىنگەرلىك وقۋ ناتيجەلەرىن ەسكەرە وتىرىپ جوسپارلاندى.
قارۋلى كۇشتەردىڭ بارلىق ءتۇرى ءۇشىن نەگىزگى مىندەتتەرى – جاۋىنگەرلىك دايارلىق شارالارىن ساپالى ۇيىمداستىرۋ, بولىمشەلەردىڭ جاۋىنگەرلىك وقۋ قارقىنىن ارتتىرۋ, ونىڭ ىشىندە تۇنگى جانە كۇردەلى اۋا رايى جاعدايىندا وتكىزۋ, اسكەري قىزمەتشىلەردىڭ كاسىبي دەڭگەيىن ارتتىرۋ, سەنىپ تاپسىرىلعان قارۋ-جاراق پەن اسكەري تەحنيكانى اقاۋسىز پايدالانۋ.
وقۋ كەزەڭىنىڭ اياقتالۋى بويىنشا قازان ايىندا قورىتىندى تەكسەرۋ وتكىزىلەتىن بولادى.