ەۋروپا فۋتبول وداعىنىڭ (ۋەفا) مۇرىندىق بولۋىمەن بيىلعى ماۋسىمدا وتەتىن كونفەرەنتسيا ليگاسىندا ونەر كورسەتەتىن كوماندالاردىڭ قانداي مولشەردە سىياقى الاتىنى جاريا ەتىلدى.
بيىلعى دوپ دوداسىندا نۇر-سۇلتاننىڭ «استانا», قوستانايدىڭ «توبىل» جانە قاراعاندىنىڭ «شاحتەر» كلۋبتارى باق سىنايدى. ولار ءتۋرنيردى ىرىكتەۋ سايىستارىنان باستايدى. بۇل كوماندالاردىڭ ارقايسىسى كەلەسى كەزەڭگە شىققان سايىن 100 000 ەۋرودان الىپ وتىرادى. ەگەر العاشقى سىناقتان سۇرىنگەن جاعدايدا وتەماقى رەتىندە 150 000 ەۋرو تولەۋ جاعى دا قاراستىرىلعان. سول سەكىلدى ەكىنشى كەزەڭدە جەڭىلگەندەرگە 350 000 جانە ءۇشىنشى راۋندتا ۇتىلعاندارعا 550 000 ەۋرودان بەرىلەدى. پلەي-وفف كەزەڭىندە سۇرىنگەندەردىڭ ەسەپشوتىنا بىردەن 750 000 ەۋرو اۋدارىلادى.
ال توپتىق تۋرنيردە كۇش سىناسۋ قۇرمەتىنە يە بولعان كوماندالاردىڭ ماتەريالدىق جاعدايلارى ەداۋىر جاقسارا تۇسەدى.