تەننيستەن قازاقستاننىڭ ەرلەر قۇراماسىنىڭ قوس وكىلى دە پاريجدە ءوتىپ جاتقان «رولان گارروس» تۋرنيرىندە جەڭىلىس تاۋىپ, جارىس جولىنان شىعىپ قالدى.
بۇعان دەيىن ءبىز ميحايل كۋكۋشكيننىڭ يسپانيالىق الەحاندرو داۆيدوۆيچ-فوكينادان ۇتىلعانى جايىندا جازعان ەدىك. ودان كەيىن الەكساندر بۋبليك ءسۇرىندى. ول الەمنىڭ ەكىنشى راكەتكاسى دانيل مەدۆەدەۆپەن كۇش سىناسقان ەدى, بۋبليكتىڭ رەسەيلىككە ءالى جەتپەدى – 3:6, 3:6, 5:7.
ايەلدەر سايىسىندا ەلەنا رىباكينا باستاعان جەڭىستى جولدى زارينا دياس جالعاستىردى. جەرلەسىمىز WTA تىزىمىندە 68-ورىندا تۇرعان ۇلىبريتانيالىق حيزەر ۋوتسوننان ايلاسىن اسىردى – 6:4, 7:5. كەلەسى كەزەڭدە زارينا بەلگيالىق ەليسە مەرتەنسپەن كەزدەسسە, ەلەنا جاپونيالىق ناو حيبينومەن شەبەرلىك بايقاسادى.