وبلىستىق پد ءباسپاسوز قىزمەتىنىڭ مالىمەتىنشە, ساعات 22.06-دا پوليتسياعا اقسۋ قالاسىنىڭ ماڭىنداعى جول-كولىك وقيعاسى تۋرالى حابارلاما تۇسكەن, دەپ حابارلايدى Egemen.kz.
«وقيعا ورنىنا كەلگەن پوليتسيا قىزمەتكەرلەرى «كاماز-5320» اۆتوكولىگىنىڭ 36 جاستاعى جۇرگىزۋشىسى باستى جولمەن, ال «ۆولگا» اۆتوكولىگىنىڭ 67 جاستاعى جۇرگىزۋشىسى ەكىنشى دارەجەلى جولمەن كەلە جاتقانىن انىقتادى. «ۆولگا» جۇرگىزۋشىسى «كاماز» جۇرگىزۋشىسىنە جول بەرمەي, توتەنشە جاعداي تۋدىرعان. سونىڭ سالدارىنان «كاماز» جۇرگىزۋشىسى سوقتىعىسۋدى بولدىرماۋ ءۇشىن قارسى قوزعالىس جولاعىنا شىعىپ, اۋدارىلىپ كەتكەن», دەدى ءباسپاسوز قىزمەتىندەگىلەر.
وقيعا سالدارىنان «ۆولگا» اۆتوكولىگىنىڭ جۇرگىزۋشىسى جاراقات الىپ, اۋرۋحاناعا جەتكىزىلدى.
«ۆولگا» اۆتوكولىگىنىڭ جۇرگىزۋشىسىنە قاتىستى قر اقبتك-ءنىڭ 610-بابى 1-بولىگى بويىنشا اكىمشىلىك ءوندىرىس قوزعالادى. سونداي-اق «كاماز» اۆتوكولىگىنىڭ جۇرگىزۋشىسىنە كەلتىرىلگەن ماتەريالدىق زالالدى وتەۋ ماسەلەسى جۇرگىزۋشىلەر اراسىندا ازاماتتىق تارتىپتە شەشىلەدى.