ۋكراينانىڭ تايلاندتاعى ەلشىسى اندرەي بەشتا كو-ليپە ارالىنداعى قوناقۇيدە ءولى تابىلدى, دەپ حابارلايدى Egemen.kz.
Associated Press باسىلىمىنىڭ مالىمەتىنشە, 45 جاستاعى اندرەي بەشتۋ شامامەن تاڭعى ساعات 06.30-دا قوناقۇيدەگى بولمەسىنەن ءولى تابىلعان. ال ەلشىنىڭ ۇلى ونىڭ جاعدايى جاقسى بولعانىن ايتادى. تاڭەرتەڭ ديپلومات ويانعان كەزدە ۋلانۋ سيمپتومدارى بايقالعان, ارتىنشا ەسىنەن تانىپ قالعان.
تايلاند پوليتسياسى ەر ادامنىڭ دەنەسىندە زورلىق بەلگىلەرى بولماعانىن ايتتى. الدىن الا مالىمەت بويىنشا, ۋكراينالىق ەلشى جۇرەگى ۇستاپ, قايتىس بولۋى مۇمكىن.
ديپلوماتتىڭ دەنەسى جەرگىلىكتى اۋرۋحاناعا جەتكىزىلگەن, سودان كەيىن ءولىم سەبەبىن انىقتاۋ ءۇشىن بانگكوكتەگى پوليتسيا گوسپيتالىنە جەتكىزىلگەن.