قازاقستان مۇسىلماندارى ءدىني باسقارماسىنىڭ ۇيىمداستىرۋىمەن ەل تاۋەلسىزدىگىنىڭ 30 جىلدىق مەرەيتويى قارساڭىندا «اتلاح» شايقاسىنا 1270 جىل تولۋىنا وراي «قازاق دالاسىنا يسلامنىڭ كەلۋى» تاقىرىبىندا حالىقارالىق كونفەرەنتسيا وتەدى, دەپ حابارلايدى Egemen.kz.
وسىدان 1270 جىل بۇرىن, ياعني 751 جىلدىڭ شىلدە ايىندا تاراز قالاسىنا ىرگەلەس جاتقان شاعىن عانا اتلاح بەكىنىسى ماڭىندا بولعان وقيعا – قازاقستان مەن ورتا ازيا جانە كۇللى مۇسىلمان الەمى تاعدىرىنا شەشۋشى ىقپال جاساعان تاريحتاعى ۇلى جەڭىس. ەلىمىزدىڭ ەرتەرەكتەن مۇسىلماندىقتى ۇستانىپ, ءتىپتى يسلام مەملەكەتى بولعاندىعىن جاڭعىرا ايتىپ, كۇللى الەمگە پاش ەتۋ ماقساتىندا ۇيىمداستىرىلىپ وتىرعان حالىقارالىق كونفەرەنتسياعا كورشىلەس قىرعىزستان جانە وزبەكستان ەلىنىڭ مۇفتيلەرى, الەمدىك جانە وتاندىق وقۋ ورىندارىنىڭ پروفەسسور, دوكتورلارى, قوعام قايراتكەرلەرى, اكادەميك, عالىمدار, بارلىق وبلىستىڭ باس يمامدارى جانە ەل اعالارى قاتىسپاق.
تاراز قالاسىندا وتەتىن كونفەرەنتسيا 3 ماۋسىم كۇنى باستالادى.