قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ جانە «حالىق ساناعى-2021» رەسمي وكىلى بولىپ ولجاس سايلاۋبەك ۇلى تاعايىندالدى, دەپ حابارلايدى Egemen.kz baq.kz سايتىنا سىلتەمە جاساپ.
ولجاس سايلاۋبەك ۇلى 1989 جىلى شقو كوكپەكتى اۋدانىندا دۇنيەگە كەلگەن. 2011 جىلى شاكارىم اتىنداعى سمۋ-ءىن «جۋرناليستيكا» ماماندىعى بويىنشا تامامداعان.
ەڭبەك جولىن 2010 جىلى «قازاقستان-سەمەي» تەلەارناسى جاڭالىقتار قىزمەتىنىڭ رەداكتورى جانە جۇرگىزۋشىسى بولىپ باستاعان.
ءار جىلدارى «كتك» تەلەارناسىنىڭ سەمەي قالاسىنداعى مەنشىكتى ءتىلشىسى, «ەۋرازيا ءبىرىنشى ارناسىنىڭ» ارنايى ءتىلشىسى, «پەندەمىز عوي» توك-شوۋىنىڭ جۇرگىزۋشىسى, پرەزيدەنتتىك پۋل ءجۋرناليسى بولىپ جۇمىس ىستەگەن.
2020 جىلدىڭ تامىز ايىنان بەرى جامبىل وبلىسى اكىمىنىڭ ءباسپاسوز قىزمەتىنىڭ جەتەكشىسى قىزمەتىن اتقاردى.
وتباسىلى.