ەلىمىزدە قورشاعان ورتانى قورعاۋ مەن ەكولوگيالىق ماسەلەلەرگە ارنالعان «كيەلى تابيعات» اتتى جاڭا You Tube ارناسى ىسكە قوسىلدى, دەپ حابارلايدى Egemen.kz.
«بۇگىن «كيەلى تابيعات» رەسپۋبليكالىق ەكولوگيالىق جوباسى اياسىندا جاڭا You Tube ارناسىن ىسكە قوستىق. اتالعان ينتەرنەت كەڭىستىگىندە قالدىقتاردى سۇراپتاۋ مەن باسقا دا ەكو ادەتتەرگە باۋليتىن بەينەروليكتەر, بەينەساباقتار جاريالاناتىن بولادى. ونداعى ماقسات – وسكەلەڭ ۇرپاقتىڭ ەكولوگيالىق ساۋاتتىلىعىن ارتتىرۋ. سونداي-اق «كيەلى تابيعات» You Tube ارناسىندا قوعامداعى وتكىر ەكولوگيالىق تاقىرىپتارعا ارنالعان الەۋمەتتىك بەينەروليكتەر دە ورىن الادى. مەملەكەت باسشىسى قاسىم-جومارت توقاەۆتىڭ ءوزى حالىقتىڭ ەكولوگيالىق ساۋاتتىلىعىن ارتتىرۋ كەرەكتىگىن بىرنەشە رەت باسا ايتقان بولاتىن. وسى ورايدا جۇمىستى جاسوسپىرىمدەردەن باستاعان ءجون», دەدى «جاس ۇلان» بىرىڭعاي بالالار مەن جاسوسپىرىمدەر ۇيىمىنىڭ توراعاسى دينارا سادۋاقاسوۆا.
ونىڭ ايتۋىنشا, قوعامنىڭ ەكولوگيالىق ساۋاتتىلىعىن ارتتىرۋ قوزعالىسىنا كوپشىلىك قاۋىمعا تانىمال ەكو-امباسسادورلار, بەلسەندىلەر سونىمەن قاتار قوعامدىق ۇيىمدار جۇمىلدىرىلادى.