الماتىدا بىرنەشە گوسپيتال جابىلدى

الماتى قالالىق قوعامدىق دەنساۋلىق باسقارماسى باسشىسى ناريمان تابىنباەۆتىڭ ايتۋىنشا, قالادا كوروناۆيرۋس جۇقتىرعان ناۋقاستاردىڭ اۋرۋحاناعا ءتۇسۋ جاعدايى تومەندەگەن. ناتيجەسىندە №1 پەرزەنتحانا مەن ەكى اۋرۋحانا قالىپتى جۇمىس رەجيمدەرىنە كوشكەن.

سونداي-اق 1 ماۋسىمنان باستاپ جەدەل مەديتسينالىق جاردەم كورسەتۋ اۋرۋحاناسى مۇقيات دەزينفەكتسيادان وتكىزىلىپ, بۇرىنعى جۇمىس رەجيمىنە كوشەدى.

قورعانىس مينيسترلىگى اۋرۋحاناسىندا دا كوروناۆيرۋسپەن جاتقىزىلعان سوڭعى ناۋقاس ەمدەلىپ شىقتى.

«سونداي-اق Halyk Arena-دا ورنالاسقان جۇقپالى اۋرۋحانا جانە قايتا جاساقتالعان اۋرۋحانالار, ونىڭ ءبىرى – تەمىرجول ەمحاناسى, №1 قالالىق كلينيكالىق اۋرۋحانا جانە قالالىق كارديولوگيالىق ورتالىق كوروناۆيرۋس جۇقتىرعان ناۋقاستاردى كۇتۋ جۇيەسىنەن الىنادى», دەلىنگەن حابارلامادا.

بۇگىندە كوروناۆيرۋس جۇقتىرعان 2035 ادام اۋرۋحانالاردا جاتىر. جالپى قالانىڭ جۇقپالى اۋرۋلار اۋرۋحانالارىنداعى توسەك سىيىمدىلىعى - 5 940 ورىن. بۇگىندە ءۇي جاعدايىندا العاشقى مەديتسينالىق-سانيتارلىق كومەك جانە ءموبيلدى توپتار قاداعالاۋىنداعى 2 198 ناۋقاس بار, ونىڭ 306-سى سيمپتومسىز, 1892-ءسى جەڭىل جانە 90-ى ورتاشا اۋىرلىق دارەجەسىندە.