گرۋزيادا قايتىس بولعان قازاقستاندىق بويجەتكەن اسەل ايتپاەۆانىڭ ءىسى بويىنشا كۇدىكتى دەپ تانىلعان ازامات ەكى ايعا قاماۋعا الىندى, دەپ حابارلايدى Egemen.kz.
بۇل تۋرالى نۇر-سۇلتان قالالىق سوتىنىڭ ءباسپاسوز قىزمەتى مالىمدەدى.
«2021 جىلعى 25 مامىردا نۇر-سۇلتان قالاسىنىڭ مامانداندىرىلعان اۋدانارالىق تەرگەۋ سوتى ازامات م.-نى 2 اي مەرزىمگە, 2021 جىلعى 15 شىلدەنى قوسا العاندا قاماۋدا ۇستاۋ تۇرىندەگى بۇلتارتپاۋ شاراسىنا سانكتسيا بەردى.
قازىرگى تاڭدا م. گرۋزيا رەسپۋبليكاسىندا جۇمىسقا ورنالاستىرامىن دەگەن سىلتاۋمەن پايدالانۋ ماقساتىندا ا-عا قاتىستى مامىلە جاسادى دەپ كۇدىكتەلۋدە, بۇل ابايسىزدا ونىڭ ولىمىنە اكەپ سوققان (قك-ءنىڭ 128-بابى 4-بولىگىنىڭ 2-تارماعى)», دەلىنگەن حابارلامادا.
ەسكە سالا كەتەيىك, قازاقستاندىق اسەل ايتپاەۆا 5 مامىردا تبيليسيدە تۇسىنىكسىز جاعدايدا قايتىس بولعان ەدى. بويجەتكەن 8 قاباتتاعى تەرەزەدەن قۇلاپ كەتكەن. ونىڭ ولىمىنە قاتىسى بار دەگەن كۇدىكپەن گرۋزيادا ەر ادام ۇستالدى. قىلمىستىق كودەكستىڭ ەكى بابى بويىنشا سوتقا دەيىنگى تەرگەۋ شارالارى باستالدى. كۇدىكتىگە زورلاۋ جانە ادامنىڭ ار-نامىسىن كەمسىتۋ ارقىلى ءوزىن ءوزى ولتىرۋگە دەيىن جەتكىزۋ سياقتى ايىپتار تاعىلىپ وتىر.
سونداي-اق قايعىلى وقيعادان ەكى اپتا وتكەن سوڭ اسەل ايتپاەۆانىڭ الىس تۋىسى سانالاتىن قازاقستاندىق ازامات م.-عا پروكۋراتۋرا سىرتتاي ايىپ تاقتى. اسەلدى گرۋزياعا جۇمىس ىستەۋگە شاقىرعان ول تۋىسى اسەلدى زورلاپ, ارتىنان جەرگىلىكتى كاسىپكەرگە ساتىپ جىبەرگەن دەگەن كۇدىككە ءىلىنىپ وتىر. اۋىر قىلمىس جاسادى دەگەن كۇدىكپەن م. ۇستالىپ, ۋاقىتشا ۇستاۋ يزولياتورىنا قامالعان بولاتىن.