قازاقستاندىق پارا تاەكۆوندوشىلار 24 تامىز بەن 5 قىركۇيەك ارالىعىندا توكيودا جالاۋى جەلبىرەيتىن پاراليمپيا ويىندارىنا تاعى 2 جولداما جەڭىپ الدى.
قازاقستاننىڭ ۇلتتىق پاراليمپيادالىق كوميتەتىنىڭ ءباسپاسوز قىزمەتىنىڭ حابارلاۋىنشا, يوردانيا استاناسى – امماندا ءوتىپ جاتقان ازيا ايماقتىق ىرىكتەۋ جارىسىنا ەرلەر اراسىندا 75 كيلو سالماقتا قاتىسىپ جاتقان نىشان ءومىرالى مەن ايەلدەر اراسىندا 58 كيلودا باق سىناعان كاميلا اقىلباي تۋرنير جەڭىمپازى اتانىپ, وليمپيادا جولداماسىنا يە بولدى.
ەسكە سالا كەتسەك, بىلتىر قاڭتار ايىندا پاراليمپياداشىلار اراسىندا ەڭ العاشقى بولىپ جولدامانى پارا تاەكۆوندوشى نۇرلان دومباەۆ يەلەنگەن ەدى. جالپى ەسەپتە قازاقستان قۇراماسىنان توكيودا 3 پارا تاەكۆوندوشى باق سىناماق.