دەنساۋلىق ساقتاۋ مينيسترلىگىنىڭ كەشەگى مالىمەتى بويىنشا قازاقستاندا 1 991 219 ادام ۆاكتسينا سالدىردى. ايتا كەتەتىن جايت, 33 002 ادام كوروناۆيرۋس ينفەكتسياسىنان ەمدەلۋدە, ولاردىڭ ىشىندە 13 030 پاتسيەنت ستاتسيوناردا, 19 972 ناۋقاس امبۋلاتوريالىق دەڭگەيدە ەم قابىلداۋدا. ال 729 ادامنىڭ جاعدايى اۋىر, 178 پاتسيەنتتىڭ جاعدايى وتە اۋىر, 99 ناۋقاس ءوجج اپپاراتىندا جاتىر.
ەلوردادا 24 مامىر كۇنگى اقپارات بويىنشا 152 مىڭنان اسا ادام كوروناۆيرۋس ينفەكتسياسىنا قارسى ۆاكتسينانىڭ 1 كومپونەنتىن الدى.
قالا تۇرعىندارى مەن قوناقتارى قىتايلىق Sinofarm Hayat Vaح جانە رەسەيلىك سپۋتنيك V ۆاكتسيناسىن قابىلداي الادى. باسقارما قويمالارىندا جوعارىدا اتالعان ۆاكتسينالاردىڭ دوزالارى جەتكىلىكتى ەكەنى حابارلاندى. سونداي-اق ۆەدومستۆونىڭ مالىمەتىنشە, قالانىڭ ساۋدا-ويىن-ساۋىق ورتالىقتارىندا جانە ساۋدا ورىندارىندا ەكپە ايماقتارى اشىلعاننان بەرى 22,7 مىڭنان اسا ادام ۆاكتسينا العان.
ەستەرىڭىزگە سالا كەتەيىك, حالىقتى ۆاكتسينالاۋمەن كەڭىنەن قامتۋ ءۇشىن نۇر-سۇلتان قالاسىنىڭ اكىمى التاي كولگىنوۆتىڭ تاپسىرماسى بويىنشا ەگۋ پۋنكتتەرىنىڭ سانى 36-دان 100-گە دەيىن ۇلعايتىلدى. بۇگىندە ەلوردادا Mega Silk Way, Keruen, «حان شاتىر», «ابۋ-دابي پلازا», «ازيا پارك» سوو-لارىندا, سونداي-اق «سارىارقا», «استانالىق», «الەم» ساۋدا ۇيلەرىندە اشىلدى.
ۆاكتسينالاۋ پۋنكتتەرىنىڭ كەڭەيۋىنە بايلانىستى بمسك ۇيىمدارىنىڭ جۇمىس ۋاقىتى قىسقارىپ, 08.00-22.00 ارالىعىنا بەلگىلەنسە, سوو-لار ءۇشىن جۇمىس ءتارتىبى وزگەرىسسىز قالادى. ياعني ساعات 10.00-دەن 22.00-گە دەيىن ەكپە سالدىرۋعا بولادى.