جامبىل وبلىسى تالاس اۋدانى قاراتاۋ قالاسىندا جارتاس كولىندە جابدىقتالماعان جەردە شومىلىپ جۇرگەن 6-سىنىپ وقۋشىسى سۋعا باتىپ كەتتى, دەپ حابارلايدى Egemen.kz.
قايعىلى وقيعا تۋرالى قۇتقارۋ قىزمەتىنە حابارلاما تۇسكەن. قۇتقارۋشىلار كەلگەنگە دەيىن جەرگىلىكتى تۇرعىن 2008 جىلى تۋعان ءجاسوسپىرىمدى سۋدان شىعارىپ, وعان دارىگەرگە دەيىنگى كومەك كورسەتۋگە تىرىسقان. وكىنىشكە قاراي, ءجاسوسپىرىمدى قۇتقارۋ مۇمكىن بولمادى. بۇل تۋرالى جامبىل وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
ء«مان-جاي انىقتالۋدا, سوت-مەديتسينالىق ساراپتاما تاعايىندالدى. جامبىل وبلىسى تج دەپارتامەنتى اتا-انالاردان وزدەرىنىڭ اتا-انالىق مىندەتتەرىنە جاۋاپكەرشىلىكپەن قاراۋدى جانە ءوز بالالارىنا تابيعي ورتاداعى قاراپايىم قاۋىپسىزدىك ەرەجەلەرىن ۇيرەتۋدى سۇرايدى», دەلىنگەن ۆەدومتسۆو حابارلاماسىندا.