جامبىل وبلىسىندا مىڭنان اسا وقۋشى «التىن بەلگى» يەگەرى اتاندى

جيىنعا حالىقارالىق جانە رەسپۋبليكالىق وليمپيادالار مەن عىلىمي جارىستاردا جەڭىمپاز اتانعان 98 وقۋشى قاتىستى. كەزدەسۋدە بەردىبەك ساپارباەۆ مەملەكەتتىڭ بولاشاعى – ءبىلىمدى دە تاربيەلى جاستاردىڭ قولىندا ەكەنىن باسا ايتىپ, ولاردى ءبىلىم الۋ جولىندا تالماي ىزدەنۋگە, الداعى ۋاقىتتا ەلىمىزدىڭ وركەندەۋىنە ءوز ۇلەستەرىن قوسۋعا شاقىردى.

«بولاشاق» مەملەكەتتتىك باعدارلاماسىنىڭ مۇمكىندىكتەرىن بارىنشا پايدالانۋ كەرەكتىگىن دە جەتكىزدى. سونداي-اق, وبلىس اكىمى جاستاردىڭ قويعان سۇراقتارىنا اشىق جاۋاپ بەرىپ, تالانتتى دا ءبىلىمدى جاستارعا ۇلكەن سەنىم ارتاتىندىعىن جەتكىزدى. كەزدەسۋ سوڭىندا وبلىس اكىمى دارىندى جاستارعا العىس حات پەن 100 مىڭ تەڭگەنىڭ سەرتيفيكاتىن جانە جەڭىمپاز وقۋشىلاردى دايىنداعان 20 مۇعالىمگە قۇرمەت گراموتاسىن تاپسىردى.

 بيىلعى وقۋ جىلىندا ءتۇرلى ينتەللەكتۋالدىق ويىندار مەن پاندىك وليمپيادالارعا, عىلىمي جارىستارعا قاتىسقان جامبىلدىق وقۋشىلاردىڭ 16842-ءسى جەڭىمپاز اتانعان. قازاقستان رەسپۋبليكاسىنىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ «ەل ءۇمىتى» باستاماسى اياسىندا اۋىل مەكتەپتەرىندە وقيتىن وقۋشىلاردى قولداۋعا باعىتتالعان «مىڭ بالا» وليمپياداسىنىڭ قورىتىندىسى بويىنشا وبلىستاعى 91 وقۋشى جۇلدەگەر اتانعان. ونىڭ ىشىندە 5-سىنىپتا وقيتىن 33 وقۋشى ەلباسى اكادەمياسىنىڭ قاشىقتان وقىتۋ مەكتەبىندە وليمپيادادان كەيىنگى سۇيەمەلدەۋگە يە بولسا, 6-سىنىپتاعى 58 وقۋشى دارىندى بالالارعا ارنالعان مەكتەپتەرگە قابىلداندى.

بۇدان بولەك, «ايقانات» وليمپياداسىنا قاتىسىپ, جەڭىمپاز اتانعان 22 وقۋشى بۋراباي قالاسىندا جاڭادان اشىلعان «IQanat Kazakh-English High School» مەكتەبىندە وقۋعا مۇمكىندىك الدى. ال, جاس ۇرپاقتى جان-جاقتى دامىتۋدى كوزدەيتىن ۇلتتىق دەڭگەيدەگى «ەلباسى مەدالى» باعدارلاماسىنا وبلىس بويىنشا 400-دەن استام وقۋشى قاتىسىپ, 128 وقۋشى قولا مەدالمەن ماراپاتتالعان ەكەن. ولار 6 اي بويى جەتى باعىت بويىنشا تاپسىرما ورىنداپ, ءبىلىم مەن شەبەرلىكتەرىن جەتىلدىرگەن. سپورتپەن شۇعىلدانۋ, ونەرگە بەت بۇرۋ, ءتول مۇرانى دارىپتەۋ جانە قايىرىمدىلىق جاساۋ مەن كىتاپ وقۋدان سىناق تاپسىرعان.

سونىمەن قاتار, وقۋ جىلىندا حالىقارالىق ءپان وليمپيادالارى مەن عىلىمي جارىستاردا جامبىلدىق دارىندى وقۋشىلار 1032 جۇلدەلى ورىندى يەلەندى. ونىڭ 216-سى التىن, 369-ى كۇمىس, 447-ءسى قولا مەدال يەگەرلەرى. ال, رەسپۋبليكالىق پاندىك وليمپيادالارى مەن عىلىمي جارىستاردا وقۋشىلار 1440 جۇلدەلى ورىنداردى يەلەنسە, ونىڭ 357-ءسى التىن, 491-ءى كۇمىس, 592-ءسى قولا مەدال. ەرەكشە اتاپ وتەتىن جايت, وبلىس وقۋشىلارىنان قۇرالعان كوماندا رەسپۋبليكالىق ءپان وليمپياداسىنان جانە عىلىمي جوبالار جارىسىنان 12 جىل قاتارىنان كوماندالىق ءى-ورىندى يەلەنىپ, «ەڭ ۇزدىك كوماندا» اتانىپ كەلەدى.

بۇدان بولەك, وڭىردەگى 8 مەكتەپ «100 ۇزدىك مەكتەپتىڭ» قاتارىنا ەنسە, دارىندى ەر بالالارعا ارنالعان ء«بىلىم-يننوۆاتسيا» ليتسەي-ينتەرناتى «ۇزدىك وليمپيادالىق مەكتەپ – 2021» اتاعىن يەلەندى. كەزدەسۋ بارىسىندا وقۋشىلار جەتىستىكتەرى مەن الداعى جوسپارلارى تۋرالى ايتتى. جاستاردىڭ باستاماسىنا قولداۋ كورسەتىپ كەلە جاتقان وبلىس باسشىلىعىنا العىستارىن جەتكىزدى.