اقش پەن رەسەي پرەزيدەنتتەرى دجو بايدەن مەن ۆلاديمير پۋتين 16 ماۋسىمدا جەنەۆادا جۇزدەسەدى. پرەزيدەنت بايدەن مەملەكەت باسشىسى قىزمەتىنە كىرىسكەلى بەرى العاش رەت پۋتينمەن كەزدەسەدى, دەپ حابارلايدى Egemen.kz zakon.kz سايتىنا سىلتەمە جاساپ.
ءىرى يادرولىق دەرجاۆالار باسشىلارىنىڭ كەزدەسۋى تۋرالى مالىمەتتى ۆاشينگتون مەن ماسكەۋ ءبىر ۋاقىتتا جاريالادى, دەپ جازادى centralasian.org.
بايدەن مەن پۋتين رەسەي-اقش قارىم-قاتىناسىن, ستراتەگيالىق تۇراقتىلىق ماسەلەلەرىن, كوروناۆيرۋس پاندەمياسىمەن كۇرەس, ايماقتارداعى جانجالداردى رەتتەۋ جولدارىن تالقىلايدى.
دۇيسەنبى كۇنى اقش ۇلتتىق قاۋىپسىزدىك جونىندەگى كەڭەسشى دجەيك سالليۆان مەن رەسەي قاۋىپسىزدىك كەڭەسىنىڭ باسشىسى نيكولاي پاترۋشەۆ ءوزارا كەڭەسكەنى ءمالىم بولدى. ولاردىڭ بىرلەسكەن مالىمدەمەسىندە تاراپتار ءوزارا قارىم-قاتىناستىڭ جاقسارۋىنا مۇددەلى ەكەنى ايتىلعان.
سامميت وتكىزۋ تۋرالى ۇسىنىستى بايدەن ساۋىردە پۋتينمەن تەلەفون ارقىلى سويلەسكەن كەزدە ايتقان. سول كەزدە ەكى ەل اراسىندا ديپلوماتيالىق جانجال ۋشىعىپ تۇرعان ەدى.