الماتى وبلىسى تجد جەدەل-قۇتقارۋ جاساعىنىڭ قۇتقارۋشىلارى قاپشاعايداعى №6 قالالىق جاعاجاي ماڭىنان سۋعا باتىپ بارا جاتقان 5 ءجاسوسپىرىمدى قۇتقارىپ قالدى, دەپ حابارلايدى Egemen.kz.
وقيعا كەشە ساعات 15.25-تە بولعان. الماتى وبلىسى تجد جەدەل-قۇتقارۋ جاساعىنىڭ قۇتقارۋشىلارى قاپشاعاي سۋ قويماسىن شولۋ كەزىندە №6 قالالىق جاعاجاي اۋدانىندا سۋعا باتىپ بارا جاتقان جاستاردى بايقاعان.
«جەدەل قۇتقارۋ جۇمىستارى ناتيجەسىندە جاعالاۋعا 2002-2004 جىلدارى تۋعان 5 ءجاسوسپىرىم شىعارلدى. ولاردىڭ ءبىرى ەس-ءتۇسسىز كۇيدە بولعان. رەانيماتسيا شارالارىنان كەيىن قىز ەسىن جيعان جانە جەدەل جاردەم قىزمەتكەرلەرىنە تاپسىرىلدى», دەلىنگەن حابارلامادا.
كەيىن جاسوسپىرىمدەردىڭ الماتى قالاسىنان دەمالىسقا كەلگەنى انىقتالدى.
الماتى وبلىسىنىڭ تجد وكىلدەرى سۋعا ءتۇسۋ كەزىندە قاۋىپسىزدىك ەرەجەلەرىن ساقتاۋدى سۇرايدى:
تەك رۇقسات ەتىلگەن جەرلەردە شومىلۋ;
سۋعا ماس كۇيدە تۇسپەۋ;
قاتتى اعىسى بار تىك جاعالاۋلاردا, باتپاقتى جانە وسىمدىكتەر وسكەن جەرلەردە شومىلماڭىز;
اعىسى قاتتى جەرلەردە سۋعا تۇسپەڭىز;
ەگەر سۋدىڭ تەمپەراتۋراسى + 18 س تومەن بولسا, شومىلماڭىز;
ءجۇزۋ تاقتالارىن, بورەنەلەردى, ءۇي قۇرىلعىلارىن پايدالانباڭىز;
جاعادان الىس جەردە ۇرلەمەلى توسەنىش نەمەسە باللونداردا جۇزۋگە بولمايدى;
بالالارعا سۋعا تۇسۋگە بولاتىن جەرلەردە ويناۋعا رۇقسات بەرمەڭىز;
شومىلۋ كەزىندە كىشكەنتاي بالالاردى قاراۋسىز قالدىرماڭىز.