ەكولوگيا جانە قوقىستى قاراپايىم كادەگە جاراتۋ ماسەلەلەرى ازاماتتار اراسىندا دا, ساياساتكەرلەر اراسىندا دا وزەكتى. بۇل ماسەلەنى لاۋازىمدى تۇلعالار دا كوتەرىپ ءجۇر. ەلباسى نۇرسۇلتان نازارباەۆ, مەملەكەت باسشىسى قاسىم-جومارت توقاەۆ مەكتەپتە ەكولوگيالىق دامۋ پاندەرىن ەنگىزۋ تۋرالى دا ايتتى. سوندىقتان «حابار» اگەنتتىگى «وكم وپەراتورى» جشس جوباسىنا قولداۋ كورسەتۋ تۋرالى شەشىم قابىلدادى. بۇل تۋرالى وكق وتكەن بريفينگتە «حابار» تەلەارناسىنىڭ ديرەكتورى دينارا بيسەمبينا حابارلادى, دەپ جازادى Egemen.kz.
ونىڭ ايتۋىنشا, «EKOMEKEN» - بۇل ءبىرىنشى كەزەكتە ەكولوگيالىق ويلاۋدى, حالىق اراسىندا «جاسىل» ويلاۋدى ناسيحاتتاۋعا باعىتتالعان ەڭ العاشقى اۋقىمدى ەكو رەاليتي.
«قاراپايىم بولىپ كورىنەتىن, بىراق وتە ماڭىزدى ماسەلەلەردىڭ ءبىرى – قوقىستى سۇرىپتاۋ. جوبادا 14 قاتىسۋشى بولادى, ءتۇسىرىلىم ەلىمىزدىڭ بارلىق وڭىرلەرىندە وتەدى. جوبا جەڭىمپازى 10 ميلليون تەڭگە الادى. ەكىنشى ورىنعا 5 ميلليون جانە ءۇشىنشى ورىنعا 3 ميلليون تەڭگە بەرىلەدى. ءبىزدىڭ كورەرمەندەر بۇل شوۋدى «حابار» تەلەارناسىنىڭ ەفيرىندە جاڭا كۇزگى ماۋسىمدا - قىركۇيەكتەن جەلتوقسانعا دەيىن تاماشالاي الادى. قازاقستاندىقتاردى بۇگىننەن باستاپ ءوتىنىم بەرىپ, قاتىسۋعا شاقىرامىن. ءاربىر قازاقستاندىق عالامشاردى قورعاۋعا ءوز ۇلەسىن قوسا الادى», دەدى سپيكەر ەكو-جوبانىڭ بولاشاق قاتىسۋشىلارىنا.
جوبا پروديۋسەرى دينارا ادام الداعى رەاليتي اۋقىمىمەن ءبولىستى.
«بۇل جوبانىڭ بىزگە قانشالىقتى قىزىقتى ەكەنىنە سەنبەسسىزدەر. سەبەبى ەلدەگى العاشقى بىرەگەي ەكولوگيالىق شوۋدىڭ ازىرلەۋشىسى بولۋ, ارينە, ۇلكەن باقىت, ۇلكەن ساتتىلىك! ەلىمىزدە وسىعان ۇقساس جوبالار جوق, رەاليتي-شوۋ جانرىنىڭ ءوزى ءالى از, بىراق كورەرمەندى نە كۇتەدى, ەڭ الدىمەن, اۋقىمدى, جاھاندىق تۇسىرىلىمدەر - بۇل ناعىز دراماتۋرگيا, بۇل كۇرەس. بۇل ناعىز بيزنەس مەكتەبى بولادى. ءبىز اقشا تابۋ جولدارىن ىزدەيمىز, پلانەتامىزدى قۇتقارامىز. قاتىسۋشىلارمەن بىرگە نەنىڭ جۇمىس ىستەيتىنىن, نەنىڭ ىستەمەيتىنىن كورەمىز. شىن مانىندە, بۇل ەكولوگيا بويىنشا بيزنەس-وقۋلىق بولادى. 18 جاسقا تولعان كەز كەلگەن ادام قاتىسا الادى», دەدى د. ادام.
ول ءوز ءومىرىن جانە اينالاداعى الەمدى وزگەرتكىسى كەلەتىن بارلىق جانداردى جوباعا قاتىسۋعا شاقىردى.