بۇگىن جوعارى ەۋرازيالىق ەكونوميكالىق كەڭەستىڭ وتىرىسىندا تۇڭعىش پرەزيدەنت – ەلباسى نۇرسۇلتان نازارباەۆ جيىننىڭ بارلىق قاتىسۋشىلارىنا پاندەمياعا قاراماستان, ۇيىمعا مۇشە ەلدەردىڭ ەكونوميكاسىندا ىلگەرلەۋشىلىك بار ەكەنىن ايتتى, دەپ حابارلايدى Egemen.kz.
«29 مامىردا ەۋرازيالىق ەكونوميكالىق وداق تۋرالى كەلىسىمشارتقا ءبىزدىڭ ەلدىڭ استاناسىندا قول قويعانىمىزعا 7 جىل تولادى. بۇگىندە بىرلەسىپ كۇش جۇمساۋدىڭ ارقاسىندا ەاەو الەمنىڭ ەكونوميكالىق ساۋلەتىنەن جۇيەلى ورىن العانىن اسىرەلەۋسىز ايتۋعا بولادى. سوڭعى بەس جىلدا ەلدەرىمىزدىڭ ءوزارا ساۋداسى 21 پايىزعا ءوسىپ, 2020 جىلى 55 ملرد دوللارعا جەتتى. بۇل داعدارىس جاعدايىنداعى كورسەتكىش. ايتپەسە ءبىز ودان دا ۇلكەن جەتىستىكتەرگە جەتە الامىز», دەدى ەلباسى.
سونىمەن بىرگە ۇلت كوشباسشىسى پاندەميا جاعدايىندا وداق اياسىنداعى بايلانىستاردىڭ بەرىكتىگى سىناقتان ءوتىپ جاتقانىن ەسكە سالدى.
«كوروناۆيرۋس پاندەمياسىمەن كەلگەن ەكونوميكالىق داعدارىس ءبىزدىڭ ينتەگراتسيالىق بىرلەستىگىمىزدىڭ بەرىكتىگىنىڭ سىناعىنا اينالدى. قاۋىپسىزدىك ماسەلەسى ءبىرىنشى ورىنعا شىعىپ وتىر. بۇل ازىق-ت ۇلىك, ءدارى-دارمەك, تسيفرلىق جانە قارجىلىق ينفراقۇرىلىم سياقتى بىرنەشە سالانىڭ كەڭ اۋقىمىن قامتيدى», دەدى ن.نازارباەۆ.