قازاقستاندىق اسكەري قىزمەتشىلەر ەكاتەرينبۋرگتە وتكەن تمد-عا مۇشە ەلدەر قارۋلى كۇشتەرىنىڭ توپوگرافيالىق قىزمەتتەرى اراسىنداعى ۇيلەستىرۋ كوميتەتىنىڭ وتىرىسىنا قاتىستى, دەپ حابارلايدى Egemen.kz.
كەڭەس بارىسىندا توپوگرافيالىق قىزمەتتەردىڭ ءوزارا ءىس-قيمىلى, اسكەري ماقساتتاعى بىرىڭعاي گەواقپاراتتىق جۇيەنى دامىتۋ تۇجىرىمداماسىن ىسكە اسىرۋ ماسەلەلەرى قارالدى. تاكتيكالىق بۋىندى باسقارۋدىڭ بىرىڭعاي جۇيەسىن توپوگەودەزيالىق جانە ناۆيگاتسيالىق قامتاماسىز ەتۋ تۇجىرىمداماسىن بەكىتۋ راسىمدەرى, سونىمەن قاتار تمد-عا مۇشە ەلدەر قارۋلى كۇشتەرىنە قارايتىن توپوگرافيالىق قىزمەتتەردىڭ 2022 جىلعا ارنالعان بىرلەسكەن ءىس-شارالار جوسپارى تالقىلاندى.
– وسىنداي ءىس–شارالاردى وتكىزۋ تمد-عا مۇشە ەلدەر قارۋلى كۇشتەرىنىڭ توپوگرافيالىق قىزمەتتەرى اراسىندا اسكەري ماقساتتاعى بىرىڭعاي گەواقپاراتتىق جۇيەنى قۇرۋ سالاسىندا بىرىڭعاي جورىقتاردى ازىرلەۋ بويىنشا ءوزارا ءىس-قيمىل دەڭگەيىن ارتتىرۋعا جانە كۇش-جىگەردى بىرىكتىرۋگە ىقپال ەتەدى, – دەدى قر قارۋلى كۇشتەرى باس شتابى گەواقپاراتتىق قامتاماسىز ەتۋ دەپارتامەنتىنىڭ باستىعى پولكوۆنيك سەرىك جولدىباەۆ.
«ادۋيسكي» پوليگونىندا وتكەن ادىستەمەلىك وقۋ-جاتتىعۋ جيىنى كەزىندە تاكتيكالىق بۋىن بولىمشەلەرىن دالالىق جاعدايدا جەر تۋرالى گەوكەڭىستىك اقپاراتىمەن (ەلەكتروندىق كارتالارمەن, جەرگىلىكتى جەردىڭ 3D مودەلدەرىمەن) قامتاماسىز ەتۋ بويىنشا ەپيزودى كورسەتىلدى.
كەڭەسكە قاتىسۋشىلار ورال وپتيكالىق-مەحانيكالىق زاۋىتىنا بارىپ, توپوگەودەزيالىق ماقساتتاعى ونىمدەرمەن, ونىڭ ىشىندە جاھاندىق ناۆيگاتسيالىق جەرسەرىگى جۇيەسىنىڭ قابىلداعىشتارىن كورىپ, ولاردىڭ باعدارلامالىق جاساقتاماسىمەن تانىستى.