كەنشىلەر استاناسىنداعى قازتۇتىنۋوداعىنىڭ قاراعاندى ەكونوميكالىق ۋنيۆەرسيتەتىندە دەنە تاربيەسى مەن سپورتقا ەرەكشە ماڭىز بەرىلگەن. مۇنداعى سپورت كەشەنىندە جىل سايىن ءتۇرلى رەسپۋبليكالىق جانە وبلىستىق دەڭگەيدەگى جارىستار مەن تۋرنيرلەر ءوتىپ تۇرادى.
سونىمەن قاتار اتالعان وقۋ ورنىندا ەلىمىزگە بەلگىلى كوپتەگەن سپورتشى ءبىلىم العان. مىسالى, ولاردىڭ قاتارىنا بوكسشىلار – وليمپيادانىڭ قولا جۇلدەگەرى سەرىك ەلەۋوۆ, وليمپيادانىڭ كۇمىس جۇلدەگەرى ۆاسيلي لەۆيت, الەم چەمپيوناتىنىڭ كۇمىس جۇلدەگەرى قامشىبەك قوڭقاباەۆ, الەم چەمپيوناتىنىڭ ەكى دۇركىن قولا جۇلدەگەرى ابىلايحان ءجۇسىپوۆتى, سونداي-اق بالۋان, وليمپيادانىڭ قولا جۇلدەگەرى ەلميرا سىزدىقوۆانى, كونكيمەن جۇگىرۋشى, ازيا ويىندارىنىڭ چەمپيونى, ءۇش بىردەي قىسقى وليمپيا ويىندارىنىڭ قاتىسۋشىسى ەكاتەرينا ايدوۆانى جانە باسقالاردى قوسۋعا بولادى.
تاياۋدا وسى ۋنيۆەرسيتەتتە كاسىبي سپورتتىق كەرەك-جاراقپەن جابدىقتالعان جاتتىعۋ زالى سالتاناتتى تۇردە اشىلدى. وقۋ ورنىنىڭ باسشىلارى بۇل زالدىڭ «دەنە تاربيەسى جانە سپورت مەنەدجمەنتى» ماماندىعى ءۇشىن زەرتحانا رەتىندە پايدالانىلاتىنىن دا ايتادى. مۇندا ەمدىك دەنە شىنىقتىرۋ, فيتنەس-تەحنولوگيالار, تاڭدالعان سپورت تۇرىندە وقىتۋ ادىستەمەسى سياقتى پاندەر وقىتىلاتىن بولادى. سونىمەن قاتار بۇل زالدا فۋتزال, ۆولەيبول, باسكەتبول, جەڭىل اتلەتيكا بويىنشا ۋنيۆەرسيتەت قۇراما كوماندالارىنىڭ جاتتىعۋلارى وتەدى.
ايتا كەتۋ كەرەك, اتالعان زالدا كاسىبي سپورت جابدىقتارى ونىمدەرىمەن اتى الەمگە تانىمال بولعان Shandong Tianzhan Fitness Equipment Co كومپانياسىنىڭ 19 ءتۇرلى جاتتىعۋ قۇرالى ورناتىلعان.
قاراعاندى