تاياۋدا «بوبەك» ۇلتتىق عىلىمي-پراكتيكالىق, ءبىلىم بەرۋ جانە ساۋىقتىرۋ ورتالىعىنىڭ باس ديرەكتورى ەلەنا ساكەنوۆا ء«وزىن ءوزى تانۋ» رۋحاني-ادامگەرشىلىك ءبىلىم بەرۋ باعدارلاماسىن جۇزەگە اسىرۋدىڭ قازىرگى كەزەڭى تۋرالى: جەتىستىكتەر, وزەكتى ماسەلەلەر مەن پەرسپەكتيۆالار» تاقىرىبى بويىنشا تىكەلەي ەفيردە بايانداما جاسادى.
ە.ساكەنوۆا ء«وزىن ءوزى تانۋ» ادامگەرشىلىك-رۋحاني ءبىلىمى ءوزىنىڭ دامۋىنىڭ 25 جىلى ىشىندە ءبىر ءپاننىڭ شەڭبەرىنەن شىعىپ, تاربيە جۇيەسىنىڭ قاسيەتتەرىن تۋدىرا وتىرىپ, وقۋ-تاربيە ۇدەرىسىنىڭ بارلىق سالالارىن قامتىعانىن اتاپ ءوتىپ, ء«وزىن-ءوزى تانۋ» ءپانى مەن مەكتەپ پاندەرىنىڭ ينتەگراتسياسى ءبىلىم بەرۋ مازمۇنى, وقىتۋ ادىستەرى مەن نىساندارى مۇعالىمنىڭ جەكە باسى ارقىلى جۇزەگە اسىرىلاتىنىن تىلگە تيەك ەتتى. سونىمەن قاتار مۇعالىمدەرگە مەكتەپ پاندەرى مازمۇنىنىڭ قۇندىلىق الەۋەتىن وزەكتەندىرۋ جانە وسى نەگىزدە ءار وقۋشىنىڭ الەۋەتىن اشۋ جانە ونىڭ جەكە باسىن جەتىلدىرۋگە ىقپال ەتۋ سەكىلدى مىندەتتەر قويىلدى.
«بوبەك» ورتالىعىنىڭ باس ديرەكتورى ءبىلىم الۋشىلار اراسىندا وتكىزگەن ء«وزىن-ءوزى تانۋ» ءپانىن وقىتۋ ولارعا نە بەرەدى؟» دەگەن ساۋالداما ناتيجەلەرىنە دە كەڭىنەن توقتالدى. سونىڭ ناتيجەسىندە ءوز-ءوزىن تۇسىنۋگە, وزدەرى جايىندا, جەكە قاسيەتتەرى تۋرالى ويلاۋعا ۇيرەنەتىندەرىن جانە ءوز بويلارىنداعى وزگەرىستەردى بايقاعاندارىن كورسەتتى. سودان كەيىن تىڭداۋشىلارعا قاناتقاقتى ءبىلىم بەرۋ ۇيىمدارى قىزمەتىنىڭ ناتيجەلەرى تۋرالى دا مول اقپارات ۇسىنىلدى.
ادامنىڭ ۇيلەسىمدى دامۋى ۇلتتىق ينستيتۋتىنىڭ اشىلۋى – ء«وزىن ءوزى تانۋ» باعدارلاماسىن جۇزەگە اسىرۋدىڭ قازىرگى كەزەڭىندەگى ماڭىزدى ساتتەردىڭ ءبىرى. ونىڭ نەگىزگى ماقساتى – قازاقستان رەسپۋبليكاسىنىڭ ءبىلىم بەرۋ جۇيەسىنىڭ بارلىق دەڭگەيىندە ءبىلىم الۋشىلاردىڭ زياتكەرلىك جانە ادامگەرشىلىك-رۋحاني دامۋىن قامتاماسىز ەتەتىن وقىتۋ مەن تاربيەلەۋ جۇيەسىنىڭ نەگىزى رەتىندە ء«وزىن ءوزى تانۋ» باعدارلاماسىن ىسكە اسىرۋ», دەپ اتاپ ءوتتى ە.ساكەنوۆا.