اسەل ايتپاەۆانىڭ ءىسى بويىنشا ونىڭ تۋىسى ۇستالدى

نۇر-سۇلتان قالاسىنىڭ پوليتسيا دەپارتامەنتى گرۋزيادا قازا تاپقان بويجەتكەننىڭ اتا-اناسىنىڭ ارىزى بويىنشا كۇدىكتىنى ۇستادى.

م. مەيىربەكوۆكە قاتىستى قىلمىستىق كودەكستىڭ 128-بابى – ادام ساۋداسى بويىنشا سوتقا دەيىنگى تەرگەۋ باستالدى.

اۋىر قىلمىس جاسادى دەپ كۇدىككە ىلىنگەن مەيىربەكوۆ پوليتسيا بولىمىنە جەتكىزىلىپ, ۋاقىتشا يزولياتورعا قامالعان.

ءىستىڭ ءمان-جايىن انىقتايتىن جان-جاقتى تەرگەۋ ءجۇرىپ جاتىر.

ەسكە سالا كەتەيىك, 26 جاستاعى اسەل ايتپاەۆانىڭ دەنەسى 5 مامىر كۇنى تبيليسي قالاسىنداعى ءبىر ءۇيدىڭ تەرەزەسىنىڭ استىنان تابىلعان ەدى. ول 9-قاباتتان قۇلاپ مەرت بولعان.

كەيىننەن گرۋزيا پروكۋراتۋراسى قازاقستاندىق قىزدى زورلاۋ جانە ءوز-وزىنە قول جۇمساۋعا يتەرمەلەۋ ءىسى بويىنشا ايىپتاۋ شىعاردى.

حابارلامادا «كۇدىكتى قىزدى زورلاپ, ارتىنان ولتىرەمىن دەپ قورقىتقان» دەلىنگەن. اۋىر كۇيزەلىسكە تۇسكەن ازاماتشا ءوز-وزىنە قول جۇمساعان.

كۇدىكتى 6 مامىردا ۇستالدى.