«ەرتىس» فۋتبول كلۋبىنىڭ بۇرىنعى ديرەكتورى سوتتالدى

قر قىلمىستىق كودەكسىنە سايكەس «Ertis» فك بۇرىنعى ديرەكتورى سەرىك ومارحانوۆ مەملەكەتتىك كىرىس ورگاندارىنا قاتە مالىمەتتەرى بار سالىق دەكلاراتسياسىن تاپسىرىپ, سول ارقىلى مەملەكەتكە شىعىن كەلتىرگەن. شىعىن مولشەرى - 193 939 013 تەڭگە.

«سوت قىلمىستىق كودەكستىڭ 118, 383, 387-393, 395-398, 401, 402 باپتارىنا سۇيەنە سەرىك قورعانباي ۇلى ومارحانوۆتى قر قىلمىستىق كودەكىسىنىڭ 245-بابى 1-تارماعى بويىنشا كىنالى دەپ تاۋىپ, ءۇش جىل بويى قارجىلىق جانە كوممەرتسيالىق قۇرىلىمدا لاۋازىمداردى يەلەنۋ قۇقىعىن ايىرا مينيمالدى قاۋىپسىزدىگى بار قىلمىستىق اتقارۋ جۇيەسىدە ءبىر جىل مەرزىمگە باس بوستاندىعىنان ايىرۋ تۇرىندە جازا تاعايىنداۋ تۋرالى ۇكىم شىعاردى», دەپ مالىمدەدى پاۆلودار قالالىق سوتى.

ەستەرىڭىزگە سالا كەتەيىك, فۋتبولدان قازاقستاننىڭ بەس دۇركىن چەمپيونى (1993, 1997, 1999, 2002, 2003) جانە كۋبوك يەگەرى (1997/98) پاۆلودارلىق «ەرتىس» كومانداسى قارجىلىق قيىندىققا بايلانىستى بىلتىرعى ماۋسىمدى ورتا جولدان اياقتاۋعا ماجبۇر بولدى.