سارىاعاش اپب-ءنىڭ قىزمەتكەرلەرىنە بەلگىسىز بىرەۋلەردىڭ «قىزىل كىتاپقا» ەنگەن اقبوكەننىڭ ءمۇيىزىن زاڭسىز ساتۋمەن اينالىسىپ جاتقانى جايلى شۇعىل اقپارات تۇسكەن, دەپ حابارلايدى Egemen.kz.
اتالعان جايتتى سارىاعاشتىق پوليتسەيلەر قر قك-ءنىڭ 339-بابىنىڭ 1-بولىگى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا تىركەپ, ىزدەستىرۋ جۇمىستارىن جۇرگىزدى.
ناتيجەسىندە سارىاعاش اپب مەن ۇلتتىق قاۋىپسىزدىك كوميتەتىنىڭ قىزمەتكەرلەرى بىرلەسىپ, تاۋلىك ىشىندە قىلمىسقا قاتىسى بار براكونەردى ۇستادى. سونداي-اق كۇدىكتى ازاماتتىڭ ۇيىنەن ايعاق زات رەتىندە 35 كەلى بولاتىن اقبوكەن ءمۇيىزى تاركىلەندى. كەلتىرىلگەن شىعىن كولەمى بەس ميلليون تەڭگەگە جۋىق.
بەلگىلى بولعانداي كۇدىكتىنىڭ قاراعاندى وبلىسىنىڭ جەرگىلىكتى تۇرعىنى ەكەنى انىقتالدى. بۇگىنگى تاڭدا كۇدىكتى ازامات سارىاعاش اۋداندىق پوليتسيا بولىمىنە جەتكىزىلىپ, سوتقا دەيىنگى تەرگەپ-تەكسەرۋ امالدارى جۇرگىزىلۋدە.
تۇركىستان وبلىسىنىڭ پوليتسەيلەرى تۇرعىنداردان جانە قوناقتاردان تابيعاتتى قورعاۋ زاڭناماسىن بۇزباۋعا جانە قۇرىپ كەتۋ قاۋپى ءتونىپ تۇرعان «قىزىل كىتاپقا» ەنگەن جان-جانۋارلار مەن وسىمدىكتەرگە قۇرمەتپەن قاراۋعا شاقىرادى.