قازاقستاندىق تەننيسشى الەكساندر بۋبليك مادريدتە ءوتىپ جاتقان جۇلدە قورى 2 614 465 ەۆرونى قۇرايتىن حالىقارالىق ءتۋرنيردىڭ شيرەك فينالىندا ۇتىلدى, دەپ حابارلايدى Egemen.kz.
پيرەنەي تۇبەگىندەگى اتر ءتۋرنيرىنىڭ العاشقى اينالىمدارىندا ماجارستاندىق مارتون فۋچوۆيچ پەن كانادالىق دەنيس شاپوۆالوۆتى ۇتقان جەرلەسىمىز 1/8 فينالدا الەمنىڭ 27 راكەتكاسى, رەسەيلىك اسلان كارتسەۆتى جەڭگەن ەدى. شيرەك فينالدا ونىڭ جولى نورۆەگيالىق كاسپەر رۋدپەن قيىستى. 1 ساعات 9 مينۋتقا سوزىلعان باسەكەدە سكانديناۆيا تۇبەگىنەن كەلگەن ويىنشىنىڭ پايداسىنا شەشىلدى. ەسەپ – 5:7, 1:6.
جارتىلاي فينالدا كاسپەر رۋد پەن يتاليالىق ماتەو بەررەتتيني جانە گەرمانيالىق الەكساندر زۆەرەۆ پەن اۋستريالىق دومينيك تيم كۇش سىناسادى. ال فينالداعى سايىس 9 مامىردا وتەدى.