21-22 مامىر ارالىعىندا يوردانيانىڭ استاناسى – امماندا تاەكۆوندودان وليمپيا ويىندارىنىڭ ليتسەنزيالىق ءتۋرنيرىنىڭ جالاۋى جەلبىرەيدى, دەپ حابارلايدى Egemen.kz.
قازىردىڭ وزىندە قازاقستاننىڭ ۇلتتىق قۇراماسى ايتۋلى اراب مەملەكەتىنە اتتانىپ, سول جاقتa وقۋ-جاتتىعۋ جيىنىن وتكىزۋدە. بۇل جيىن 18 مامىرعا دەيىن جالعاسادى. سودان كەيىن سارى قۇرلىقتىڭ بىرقاتار ەلدەرى وكىلدەرىنىڭ باسىن قوسقان ليتسەنزيالىق تۋرنير باستالادى.
بۇل جارىستا قازاق ەلى نامىسىن قايرات سارىمساقوۆ (68 كيلو), رۋسلان جاپاروۆ (80 كيلو), فاريزا الداڭعوروۆا (49 كيلو) جانە جانسەل دەنيز (+67 كيلو) سىندى تاەكۆوندوشىلار قورعايدى.