وزبەكستاندا ۆاكتسيناتسيا استالعالى بەرى كورناۆيرۋسقا قارسى ەكپەنىڭ العاشقى كومپونەنتىن 1 ميلليوننان استام ادام الدى, دەپ حابارلايدى Egemen.kz.
وزبەكستان رەسپۋبليكاسى دەنساۋلىق ساقتاۋ مينيسترلىگىنىڭ 6 مامىرداعى مالىمەتتەرى بويىنشا ەلدە 1 009 510 ادام ەكپە سالدىرعان, ولاردىڭ 32 533-ءى ۆاكتسينانىڭ ەكىنشى دوزاسىن العان. رەسپۋبليكانىڭ باسقا وڭىرلەرى اراسىندا ۆاكتسينالاۋ بويىنشا فەرعانا وبلىسى كوش باستاپ تۇر. مۇندا 128 838 ادام ەگىلگەن. رەيتينگىدە كەلەسى ورىندارعا 118 093 ادام ەكپە سالدىرعان انديجان وبلىسى, 108 560 تۇرعىنى ۆاكتسينالانعان, كەيىنگى ورىنداردا نامانگان وبلىسى مەن 99 736 ازامات ەگىلگەن سامارقان وبلىسى جايعاسقان.
ەسكە سالا كەتەيىك, وزبەكستاندا ەكپە ەگۋ ناۋقانى1 ساۋىردە باستالدى. تۇرعىنداردى ۆاكتسينالاۋمەن قامتۋ بىرتىندەپ كەڭەيتىلۋدە, ءساۋىر ايىندا ءىرى قالالاردا جۇرگىزىلسە, مامىر ايىندا اۋدان ورتالىقتارى مەن ءىرى قالالاردا, ال ماۋسىمدا – اۋىلدىق جەرلەردە جالعاسادى.
ۆاكتسينالاۋ ءۇش پرەپارات – ەۋروپالىق AstraZeneca, قىتاي-وزبەك تاراپتارى بىرلەسىپ شىعارعان ZF-UZ-VAC2001 جانە رەسەيدىڭ «سپۋتنيك-V» ۆاكتسيناسى ارقىلى جاسالىپ جاتىر. ءۇش ايدىڭ ىشىندە وزبەكستان 4 ميلليوننان استام ادامعا ەكپە سالۋدى جوسپارلاپ وتىر.