تەمىرجولشىلار كوۆيدكە قارسى سانيتارلىق تالاپتاردى ساقتاي وتىرىپ, وسى جىلدىڭ ءبىرىنشى توقسانىندا تەمىر جول توسەمىنە جاقىن جەردە تۇراتىن تۇرعىندار اراسىندا تەمىر جولداردا بولۋ قاۋپى تۋرالى 840-تان استام الدىن الۋ اڭگىمە وتكىزدى.
ستانسا مەن دەپو قىزمەتكەرلەرى تەمىر جولدا بولۋ ەرەجەلەرىن ۇنەمى ءتۇسىندىرىپ وتىرادى. ءىس-شارانىڭ باستى ماقساتى – قاۋىپتى ايماقتا ازاماتتاردىڭ جاراقاتتانۋى جاعدايلارىنىڭ الدىن الۋ. تەمىرجولشىلار تەمىر جولدى بەلگىلەنبەگەن جەردەن كەسىپ وتەتىن ادامدار شويىن جولدىڭ بويىندا اپات تۋدىراتىنىن ايتادى. بەيقام جاياۋ جۇرگىنشى ءۇشىن جولدىڭ قىسقارۋى ۋاقىت ۇنەمدىلىگى ەمەس, اۋىر زارداپتارعا اكەلەدى. جەلىلىك پوليتسيا, اسكەريلەندىرىلگەن كۇزەت, ماگيسترالدىق جەلى قىزمەتكەرلەرىمەن بىرلەسىپ, قاڭتار-ناۋرىز ارالىعىندا تەمىر جولدار ارقىلى ادامداردىڭ جاپپاي وتۋىنە رۇقسات ەتىلمەگەن ورىندارعا 380-گە جۋىق رەيد جۇرگىزىلدى. العاشىندا ءتارتىپ بۇزۋشىلارعا ەسكەرتۋ جاسالدى. سونىمەن قاتار ولارعا تەمىر جولدىڭ قاۋىپتىلىگى جوعارى ايماق ەكەندىگى تۋرالى دارىستەر وقىلدى. تەمىر جولدارمەن جۇرۋگە تىيىم سالىنادى, بۇل ءۇشىن ارنايى بەلگىلەنگەن جانە جابدىقتالعان ورىنداردان: جاياۋ جۇرگىنشىلەر وتكەلدەرىنەن, كوپىرلەردەن, ءتيىستى بەلگىلەرمەن بەلگىلەنگەن جەرلەردەن عانا ءوتۋ كەرەك.
تەمىر جول جانىندا قۇلاققاپ كيۋگە, جىلجىمالى قۇرامنىڭ استىنان وتۋگە, كەلە جاتقان نەمەسە جونەلتىلگەن پويىز جانىمەن جولاۋشىلار پلاتفورماسى بويىمەن جۇگىرۋگە, ۆاگوندارعا جابىسۋعا تىيىم سالىنادى.
ۇقىپسىزدىق پەن تەمىر جول ەرەجەلەرىن ساقتاماۋ دەنساۋلىقتان ايىرىلۋ مەن ولىمگە اكەلۋى مۇمكىن.