ورتالىق كوممۋنيكاتسيالار الاڭىندا وتكەن ءباسپاسوز ءماسليحاتى بارىسىندا دەنساۋلىق ساقتاۋ ءمينيسترى الەكسەي تسوي وتاندىق QazVac ۆاكتسيناسىنا قاتىستى پىكىر ءبىلدىردى, دەپ حابارلايدى Egemen.kz
«جالپى, قازاقستاندىق ۆاكتسينانى ازىرلەۋ – بۇل قازاقستاننىڭ ۇلكەن جەتىستىگى. وسىعان وراي قىسقا عانا ۋاقىتتىڭ ىشىندە ۆاكتسينانى ازىرلەگەن ارىپتەستەرىمىزگە تاعى دا ءبىر مارتە ريزاشىلىعىمىزدى بىلدىرگىم كەلەدى جانە ول بۇگىندە قازاقستاندىقتار ءۇشىن قولجەتىمدى بولىپ وتىر. وزدەرىڭىزدە بىلەسىزدەر, ۆاكتسينانىڭ تاجىريبەلىك توپتاماسى شاعىن كولەمدە گۆاردەيسكي ەلدى مەكەنىندە ورنالاسقان ءبىلىم جانە عىلىم مينيسترلىگىنىنە قاراستى بيولوگيالىق قاۋىپسىزدىك ماسەلەلەرى جونىندەگى عىلىمي-زەرتتەۋ ينستيتۋتىنىڭ الاڭىندا شىعارىلىپ جاتىر», دەدى الەكسەي تسوي.
بۇدان وزگە, ۆەدومستۆو باسشىسى وتاندىق ۆاكتسينانى العاندىعىن باسا ايتتى.
«تۇپتەپ كەلگەندە ۆاكتسينانىڭ ساپالى ەكەندىگىن جانە قانداي دا ءبىر جاناما اسەرىنىڭ جوقتىعىن كورىپ وتىرمىز», دەدى دەنساۋلىق ساقتاۋ ءمينيسترى.