قازاقستان ەلشىسى بولات يمانباەۆ ارمەنيا پرەمەر-ءمينيسترىنىڭ مىندەتىن اتقارۋشى نيكول پاشينيانمەن كەزدەسۋ وتكىزدى, دەپ حابارلايدى Egemen.ءkz سىم ءباسپاسوز قىزمەتىنە سىلتەمە جاساپ.
اڭگىمە بارىسىندا ساياسي, ساۋدا-ەكونوميكالىق جانە مادەني-گۋمانيتارلىق سالالارداعى ەكىجاقتى جانە كوپجاقتى ىنتىماقتاستىق ماسەلەلەرى تالقىلاندى. تاراپتار قارىم-قاتىناستار بارلىق باعىتتار بويىنشا قارقىندى دامىپ كەلە جاتقانىن, ساۋدا-ەكونوميكالىق جانە ينۆەستيتسيالىق ءوزارا ءىس-قيمىلدىڭ, سونداي-اق ەاەو شەڭبەرىندە ەلەۋلى الەۋەتى مەن ءوسۋ پەرسپەكتيۆالارى بار ەكەنىن اتاپ ءوتتى. وسى الەۋەتتى ىسكە اسىرۋدىڭ ماڭىزدى تەتىگى ساۋدا-ەكونوميكالىق ىنتىماقتاستىق جونىندەگى بىرلەسكەن ۇكىمەتارالىق كوميسسيا بولىپ تابىلادى. ونىڭ كەزەكتى وتىرىسى اعىمداعى جىلدىڭ مامىر ايىندا نۇر-سۇلتان قالاسىندا جوسپارلانىپ وتىر. بيزنەس-بايلانىستاردى جانداندىرۋ تۇرعىسىندا اتالعان كوميسسيا شەڭبەرىندە بيزنەس-فورۋم وتكىزۋ قاجەتتىگى ايتىلدى.
سونداي-اق تاراپتار جوعارى تەحنولوگيالار, تسيفرلاندىرۋ, اۋىل شارۋاشىلىعى جانە تۋريزم سالالارىنداعى ءوزارا ءتيىمدى ىنتىماقتاستىقتى دامىتۋ ماسەلەلەرىن قاراستىردى. ەلشى سۇحباتتاسۋشىسىن قازاقستان تاۋەلسىزدىكتىڭ 30 جىلى ىشىندە كەشەندى دامۋدا قول جەتكىزگەن جەتىستىكتەرمەن, پرەزيدەنت قاسىم-جومارت توقاەۆتىڭ باستاماسىمەن ەكونوميكالىق جاڭعىرتۋ مەن ساياسي رەفورمالاردىڭ جۇزەگە اسىرىلۋىنىڭ بارىسىمەن, مەملەكەتىمىزدىڭ نەگىزگى حالىقارالىق باستامالارىمەن تانىستىردى.