«ەڭبەك رەسۋرستارىن دامىتۋ ورتالىعى» اق دايىنداعان ورتا مەرزىمدى بولجامعا سايكەس بازالىق (نەعۇرلىم ىقتيمال) ستسەناريدە قازاقستاندا 2021-2025 جىلدار ارالىعىنداعى كەزەڭدە جالدامالى ەڭبەككە دەگەن سۇرانىس شامامەن 1 ملن ادامدى قۇرايدى, دەپ حابارلايدى Egemen.kz.
وپتيميستىك ستسەناري بويىنشا بۇل كورسەتكىشتەر ءبىرشاما جوعارى بولادى: جالدامالى ەڭبەككە سۇرانىستىڭ كولەمى 5 جىلدا 1,2 ملن ادامدى, ال تەرىس ستسەناري بويىنشا 792,9 مىڭ ادامدى قۇرايدى دەپ بولجانۋدا.
نەگىزىنەن جالدامالى ەڭبەككە دەگەن سۇرانىس ءبىلىم بەرۋ سالاسىندا قالىپتاسادى, وندا ول ستسەناريگە بايلانىستى جيىنتىق ەڭبەككە قاتىستى 16-18%-دى قۇرايدى, سونداي-اق اۋىل شارۋاشىلىعى سەكتورىندا (7,6-دان 10% - عا دەيىن) جانە وڭدەۋ ونەركاسىبىندە (9,7-10,2%) قالىپتاسادى.
2021-2025 جىلدار ىشىندە بازالىق ستسەناريدە جالدامالى جۇمىسكەرلەرگە جيىنتىق سۇرانىس جاڭا سۇرانىستان 55,3%-عا (574 مىڭ) جانە الماستىرۋ بويىنشا سۇرانىستان 44,7%-عا (464,4 مىڭ) قالىپتاسادى دەپ كۇتىلۋدە, ولاردىڭ 72%-ى (332,7 مىڭ) زەينەتكەرلىك جاسقا جەتكەن قىزمەتكەرلەردى الماستىرۋعا كەلەدى.
جالدامالى جۇمىسكەرلەرگە ءبىر جىلداعى جيىنتىق سۇرانىس 2025 جىلى 244,3 مىڭ ادامدى قۇرايدى, ونىڭ ىشىندە 148,7 مىڭى جاڭا سۇرانىستى جانە 95,6 مىڭى الماستىرۋ بويىنشا سۇرانىستى بىلدىرەتىن بولادى.
زەينەتكەرلىك جاسقا جەتۋىنە بايلانىستى جۇمىسكەرلەردى الماستىرۋ قاجەتتىلىگى وسى كەزەڭگە قاراي 15%-عا (2021 جىلعى 59,2 مىڭنان 2025 جىلى 68,3 مىڭعا دەيىن) وسەدى دەپ كۇتىلۋدە.
جالدامالى جۇمىسكەرلەردىڭ ەڭ كوپ 5 جىلدىق قاجەتتىلىگى ولاردىڭ جاس ەرەكشەلىگىنە جانە وزگە دە تابيعي سەبەپتەرگە بايلانىستى كەتۋى سالدارىنان ءبىلىم بەرۋ سالاسىندا (64,5 مىڭ ادام), سونداي-اق اۋىل شارۋاشىلىعىندا (44,6 مىڭ ادام) جانە وڭدەۋ ونەركاسىبىندە (44,2 مىڭ ادام) بولادى.
جالپى العاندا, 2025 جىلعا قاراي بازالىق ستسەناري بويىنشا جۇمىس كۇشىنىڭ سانى 9,3 ملن ادامدى قۇرايدى, ونىڭ 7,7-ءسى جالدامالى جۇمىسكەرلەر بولادى, ال 1,2 ملن ادام جۇمىسپەن قامتىلعان حالىقتىڭ باسقا ساناتتارىن قۇرايدى. بۇل رەتتە جۇمىسسىزدار سانى 439 مىڭ ادامدى قۇرايدى دەپ كۇتىلۋدە, ياعني جۇمىسسىزدىق دەڭگەيى 4,7% دەڭگەيىندە بولادى.
وپتيميستىك ستسەناريدە جۇمىس كۇشىنىڭ سانى 9,4 ملن ادامدى قۇرايدى, ونىڭ ىشىندە جالدامالى جۇمىسكەرلەر – 7,9 ملن, جۇمىسپەن قامتىلعانداردىڭ وزگە ساناتتارى – 1,1 ملن ادام, ال جۇمىسسىزدار سانى 442 مىڭ ادام.
«تەرىس ستسەناريدە 2025 جىلعا قاراي جۇمىس كۇشىنىڭ قۇرامىندا 9,3 ملن ادام بولادى دەپ كۇتىلۋدە, ولاردىڭ 7,5 ملن-ى جالدامالى جۇمىسكەرلەر, ال 1,4 ملن-ى وزگە جۇمىسپەن قامتىلعان ادامدار. بۇل رەتتە جۇمىسسىزدار سانى 436 مىڭ ادامدى قۇرايدى. ءبىزدىڭ بولجامىمىز بويىنشا جۇمىسسىزدىق دەڭگەيىن كۇتىلەتىن 4,7% - عا دەيىن بىرتىندەپ تومەندەتۋ جۇرەتىن بولادى. اعىمداعى جانە كەلەسى جىلى ءبىز 5%-عا جەتۋىمىز مۇمكىن, سودان كەيىن بۇل كورسەتكىش جىلىنا 0,1 ج.ت. تومەندەيدى», دەپ حابارلادى ەردو بولجامداۋ دەپارتامەنتىنىڭ ديرەكتورى دميتري شۋمەكوۆ.