قازاقستاننىڭ اۋىل مەكتەپتەرىندە ءبىلىم الاتىن دارىندى 5 مىڭ وقۋشىنىڭ ەسىمدەرى جاريالاندى. ولار ەلىمىزدىڭ جەتەكشى مەكتەپتەرىندە جانە ەلباسى اكادەمياسىنىڭ ۆirge oqý ونلاين مەكتەبىندە تەگىن وقۋ مۇمكىندىگى ءۇشىن تالاسادى.
«مىڭ بالا» وليمپياداسىنىڭ ناتيجەسىندە نۇرسۇلتان نازارباەۆ قورى ەكىنشى جىل قاتارىنان اۋىل مەكتەپتەرىندەگى ەڭ قابىلەتتى 5 جانە 6 سىنىپ وقۋشىلارىن انىقتاپ كەلەدى. وليمپيادا جەڭىمپازدارى ەلىمىزدىڭ دارىندى بالالارعا ارنالعان جەتەكشى مەكتەپتەرىندە: رەسپۋبليكالىق فيزيكا-ماتەماتيكا مەكتەبىندە, ء«بىلىم-يننوۆاتسيا» ليتسەيلەرىندە, «دارىن» مامانداندىرىلعان مەكتەپتەرىندە جانە ەلباسى اكادەمياسىنىڭ ۆirge oqý ونلاين مەكتەبىندە وقۋعا مۇمكىندىك الادى.
«ەلىمىزدە العاش رەت اۋىل مەكتەپتەرى ءۇشىن وليمپيادا ونلاين فورماتتا ۇيىمداستىرىلدى. تەستىلەۋ ارنايى ازىرلەنگەن پلاتفورمادا ءوتتى. ءبىز ەلىمىزدىڭ كوپتەگەن اۋىلدارىن قامتىدىق, تەستىلەۋگە 100 مىڭعا جۋىق وقۋشى قاتىستى. تەستتەر كەڭىستىكتىك جانە لوگيكالىق ويلاۋ قابىلەتتەرىن باعالاۋعا باعىتتالعان. وليمپيادانىڭ 5 مىڭ ءفيناليسى اراسىندا ەلىمىز بويىنشا ورتاشا بالل 400 بالدىڭ 343-ءىن قۇرادى. بۇل اۋىل وقۋشىلارىنىڭ عىلىم, ءتىل جانە ماتەماتيكانى وقىپ-ۇيرەنۋ ءۇشىن جەتكىلىكتى الەۋەتى بار ەكەنىن كورسەتەدى», دەدى «ەلباسى اكادەمياسى» كورپوراتيۆتىك قورىنىڭ باسقارۋشى ديرەكتورى ءانۋار جانعوزين.
«نۇرسۇلتان نازارباەۆ قورى اۋىل جاستارىنىڭ دامۋىنا ەرەكشە كوڭىل بولەدى جانە بارلىق جاعدايدى جاساپ كەلەدى. مىسالى, 2020 جىلى ءبىزدىڭ مەكتەپتىڭ ءبىر عانا قاتىسۋشىسى فينالعا ءوتىپ, Birge oqý ونلاين مەكتەبىندە وقۋعا مۇمكىندىك الدى. بيىل وسىنداي 7 بالا بار. ولاردىڭ بارلىعى نازارباەۆ زياتكەرلىك مەكتەپتەرى مەن رەسپۋبليكالىق فيزيكا-ماتەماتيكا مەكتەبىنىڭ وقىتۋشىلارىنان قوسىمشا ءبىلىم الا الادى. ءبىز وتە قۋانىشتىمىز», دەدى ۇشقوڭىر ورتا مەكتەپ-گيمنازياسىنىڭ ديرەكتورى گۇلحان امانجولوۆا.
وليمپيادا ءفيناليسى, 6-سىنىپ وقۋشىسى ارنۇر مۇقاشەۆ وليمپيادا تۋرالى مۇعالىمنەن بىلگەن سوڭ, قاتىسۋعا شەشىم قابىلداعانىن, مەكتەپتە جاقسى وقيتىنىن جانە بولاشاقتا ۇلكەن جەتىستىكتەرگە جەتكىسى كەلەتىنىن جەتكىزدى.
ەسكە سالايىق, وليمپيادا ەكى كەزەڭنەن تۇرادى. I كەزەڭ 2-10 ءساۋىر ارالىعىندا ونلاين فورماتتا ءوتتى. وڭىرلەر بويىنشا ەڭ جوعارى قورىتىندى بالل جيناعان 5 مىڭ وقۋشى وليمپيادانىڭ II كەزەڭىنە وتەدى. II كەزەڭدى 2021 جىلعى 5 مامىردا بارلىق سانيتاريالىق-ەپيدەميولوگيالىق تالاپتاردى ساقتاي وتىرىپ, وڭىرلىك تەستىلەۋ ورتالىقتارى بازاسىندا وفلاين رەجىمدە ۇيىمداستىرۋ جوسپارلانىپ وتىر. فيناليستەر ماتەماتيكالىق ساۋاتتىلىق, قازاق تىلىندە ءبىلىم الاتىن وقۋشىلارعا قازاق ءتىلى, ورىس تىلىندە ءبىلىم الاتىن وقۋشىلارعا ورىس ءتىلى, اعىلشىن ءتىلى جانە جاراتىلىستانۋ عىلىمدارى بويىنشا اكادەميالىق بىلىمدەرىن باعالاۋ ءۇشىن كومپيۋتەرلىك تەستىلەۋدەن وتەدى.