2 مامىر كۇنى قازاقستاننىڭ باسىم بولىگىندە جاۋىن-شاشىنسىز اۋا رايى كۇتىلەدى, دەپ حابارلايدى Egemen.kz
باتىستا اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاڭبىر جاۋىپ, نايزاعاي ويناۋى مۇمكىن. شىعىستا تۇندە جاڭبىر ارالاس قار جاۋىپ, قاتقاق بولادى. رەسپۋبليكانىڭ كەي جەرلەرىندە تۇمان ساقتالىپ, جەل كۇشەيەدى. وڭتۇستىكتە شاڭدى داۋىل تۇرىپ, جەل سوعادى.
«قازگيدرومەت» رمك مالىمەتىنشە, سولتۇستىك قازاقستان وبلىسىندا جەلدىڭ كۇشى تۇندە كەي جەرلەردە 15-20 م/س, كۇندىز 23-28 م/س دەيىن ارتۋى مۇمكىن. تۇندە جانە تاڭەرتەڭ تۇمان بولۋى ىقتيمال.
قىزىلوردا وبلىسىنىڭ كەي جەرلەرىندە جەلدىڭ ەكپىنى كۇندىز 23-28 م/س جەتەدى. شاڭدى داۋىل تۇرادى.
جامبىل وبلىسىنىڭ كەي جەرلەرىندە جەلدىڭ جىلدامدىعى 23-28 م/س كۇشەيەدى.
تۇركىستان وبلىسىنىڭ كەي جەرلەرىندە جەل 15-20 م/س ارتادى. شاڭدى داۋىل سوعادى.
شىعىس قازاقستان, كۇندىز الماتى وبلىستارىنىڭ كەي جەرلەرىندە جەل 15-20 م/س كۇشەيىپ, تۇمان كۇتىلەدى.
اقمولا, پاۆلودار, قاراعاندى, كۇندىز قوستاناي, باتىس قازاقستان وبلىستارىنىڭ كەي جەرلەرىندە جەل 15-20 م/س ارتادى. باتىس قازاقستان وبلىسىنىڭ كەي جەرلەرىندە نايزاعاي سوعادى.