بۇگىن الداعى قازاقستان حالقىنىڭ بىرلىگى كۇنىنە وراي قازاقستان ءدىني بىرلەستىكتەرىنىڭ وكىلدەرى جينالىسىنىڭ وتىرىسى ءوتتى, دەپ حابارلايدى Egemen.kz.
قر اقدم ءدىن ىستەرى كوميتەتىنىڭ ۇيىمداستىرۋىمەن وتكەن ءىس-شارا اياسىندا ءدىن قايراتكەرلەرى نۇر-سۇلتاندا پرەزيدەنت ساياباعىنىڭ اۋماعىنداعى كونفەسسياارالىق كەلىسىم اللەياسىندا اعاش وتىرعىزۋ اكتسياسىنا قاتىستى. وتىرىسقا جانە ەكواكتسياعا قازاقستان مۇسىلماندارى ءدىني باسقارماسىنىڭ, يۋدايزم, پراۆوسلاۆ, كاتوليك, ليۋتەراندىق, باپتيستىك, پرەسۆيتەرياندىق, ەلۋىنشىلەر مەن نوۆواپوستولدىق شىركەۋلەرىنىڭ جانە باسقا دا ءدىني بىرلەستىكتەردىڭ وكىلدەرى قاتىستى.
قاتىسۋشىلار ەلباسى نۇرسۇلتان نازارباەۆتىڭ ەتنوسارالىق جانە كونفەسسياارالىق كەلىسىمنىڭ قازاقستاندىق مودەلىن قالىپتاستىرۋداعى تاريحي ءرولىن اتاپ ءوتتى.
ءدىن ىستەرى كوميتەتىنىڭ توراعاسى ەرجان نۇكەجانوۆ پەن نۇر-سۇلتان قالاسى اكىمىنىڭ ورىنباسارى باقتيار ماكەن قۇتتىقتاۋ ءسوز سويلەدى.
«ەلىمىزدىڭ ەتنوستىق جانە ءدىني ارالۋاندىلىق مەملەكەت پەن قوعامنىڭ دا كوپۆەكتورلى دامۋىنىڭ نەگىزگى قاينار كوزدەرىنىڭ ءبىرى », دەپ اتاپ ءوتتى ەرجان نۇكەجانوۆ.
سونىمەن قاتار ول, بۇل ءىس-شارا كونفەسسيالاردىڭ قازاقستان تاۋەلسىزدىگىنىڭ 30 جىلدىعىن مەرەكەلەۋ اياسىندا مەملەكەت باسشىسى قاسىم-جومارت توقاەۆتىڭ باستاماسىمەن ەنگىزىلگەن «جاسىل قازاقستان» جوباسىن قولدايتىنىن كورسەتەتىندىگىن جەتكىزدى.
ەسكە سالا كەتسەك, اتالمىش اكتسيا 2017 جىلدان باستاپ جىل سايىن ءداستۇرلى تۇردە ءوتىپ كەلەدى.