جۋىردا سقو تجد باستىعى, ازاماتتىق قورعاۋ پولكوۆنيگى راميل كامالوۆتىڭ توراعالىعىمەن رەسەي تجم قورعان وبلىسى بويىنشا باس باسقارمالارىنىڭ باسشىلىق قۇرامىمەن بەينە كونفەرەنتسيالىق بايلانىس رەجىمىندە كەڭەس ءوتتى, دەپ حابارلايدى Egemen.kz
وندا سولتۇستىك قازاقستان مەن قورعان وبلىستارىنىڭ شەكتەس اۋماقتارىندا تابيعي ورتتەردىڭ الدىن الۋ جانە جويۋ بويىنشا پروبلەمالىق ماسەلەلەر تالقىلاندى, كەزەكشى قىزمەتتەردىڭ ءوزارا ءىس-قيمىلى, بىرلەسكەن وقۋ-جاتتىعۋلار مەن جاتتىعۋلار وتكىزۋ تۋرالى ماسەلەسى قارالدى.
سقو تجد مەملەكەتتىك ءورت باقىلاۋ باسقارماسىنىڭ باستىعى, ازاماتتىق قورعاۋ پولكوۆنيگى دميتري راستيحين سقو اۋماعىنداعى ورتتەردىڭ الدىن الۋ جانە جويۋ ىسىندە تىعىز ءوزارا ءىس-قيمىل مەن ىنتىماقتاستىق قاجەتتىگىنە نازار اۋدارىپ, مامليۋت, جامبىل اۋداندارى اۋماعىنداعى ورماندى دالا ايماعىنىڭ 84 مىڭ گا جانە شەكارا سىزىعى بويىنشا ۇزىندىعى 240 كم-دەن استام اۋماقتا ارىپتەستىك قاجەتتىلىگىن ايتتى.
سونداي-اق بيىل ماۋسىم ايىندا قىزىلجار اۋدانىنىڭ اۋماعىندا رەسەي تجم قورعان, ومبى جانە تۇمەن وبلىستارىنىڭ جەدەل توپتارىنىڭ قاتىسۋىمەن ءىرى اۋقىمدى ورمان ورتتەرىمەن بايلانىستى ترانسشەكارالىق جاعدايدىڭ الدىن الۋ جانە سالدارىن جويۋ بويىنشا ءوزارا ءىس-قيمىلدى ۇيىمداستىرۋ تاقىرىبى بويىنشا وقۋ-جاتتىعۋدى وتكىزۋ ماسەلەسى قارالدى. الايدا, اتالعان ءىس-شارانى وتكىزۋ ەپيدەميالىق جاعداي تۇراقتالعانعا دەيىن ۋاقىتشا كەيىنگە قالدىرىلعانى جانە كەلىسۋ بويىنشا نەعۇرلىم كەش مەرزىمدە ۇيىمداستىرىلاتىنى اتاپ ءوتىلدى.